معروف اداکار گووندا کو آج صبح گولی لگ گئی تھی جس کے بعد سے ان کی صحت سے متعلق مختلف خبریں سوشل میڈیا پر گردش کرنے لگیں۔
ان افواہوں کے چلتے گووندا نے اپنے چاہنے والوں کے لیے ایک آڈیو پیغام جاری کر دیا ہے۔
بھارتی میڈیا کے مطابق، گووندا نے اپنے آڈیو پیغام میں اپنی خیریت بیان کرتے ہوئے مداحوں کی طرف سے ملنے والی نیک تمناؤں پر شکریہ ادا کیا ہے۔
گووندا کا کہنا ہے کہ، ان کے والدین، مداحوں اور ان کے گرو کی دعاؤں نے انہیں بچا لیا ہے۔
انہوں نے مزید بتایا کہ، مجھے گولی لگی تھی، لیکن اب اسے نکال لیا گیا ہے، میں ڈاکٹروں اور آپ کی دعاؤں کا شکریہ ادا کرتا ہوں۔
واضح رہے گووندا شیوسینا کے رہنما ہیں اور حادثے کے وقت گھر پر اکیلے تھے۔