بھارتی ریاست بہار میں ایک ایسا واقعہ پیش آیا جس نے سب کو حیران کر دیا۔ پرکاش مندل نامی شہری کو ایک خطرناک اور زہریلے سانپ نے کاٹا، لیکن اس کے بعد جو ہوا، وہ دل دہلا دینے کے ساتھ ساتھ دلچسپ بھی تھا۔
پرکاش نے سانپ کے ڈسنے کے فوراً بعد اسے اپنے منہ سے دبوچ لیا، اس کی گردن کے گرد لپیٹ لیا اور سیدھا اسپتال پہنچ گیا، گویا وہ کوئی فلمی سین ہو۔ اسپتال میں موجود عملہ، مریض، اور ڈاکٹرز سب یہ نظارہ دیکھ کر دنگ رہ گئے۔
رپورٹس کے مطابق، علاج کے دوران پرکاش نے شدید درد اور تکلیف کے باوجود سانپ کو مضبوطی سے پکڑے رکھا، جس سے ڈاکٹروں کو علاج کرنے میں مشکلات کا سامنا رہا۔ آخر کار، ڈاکٹروں کی التجا پر اس نے سانپ کو چھوڑ دیا، تب ہی جا کر اس کا باقاعدہ علاج شروع ہو سکا۔
اب تک یہ معلوم نہیں ہو سکا کہ وہ سانپ کو اسپتال تک ساتھ کیوں لایا، لیکن یہ انوکھا واقعہ ضرور خبروں کی زینت بن گیا۔