بالی ووڈ اداکار ارجن کپور کی جانب سے بریک اپ کی تصدیق کے بعد ملائیکہ اروڑا کی ایک پوسٹ صارفین کی توجہ کا مرکز بن گئی۔
چند روز قبل ارجن کپور نے روہت شیٹی کی فلم سنگھم کی پروموشن کے موقع پر تعلقات سے متعلق پوچھے گئے سوال پر خاموشی توڑتے ہوئے خود کو سنگل قرار دیا تھا۔ جس کے بعد سے سوشل میڈیا پر ان کے بریک اپ کی خبر عام ہوگئی۔
اور اب ملائیکہ اروڑا کی جانب سے بھی ایک انسٹا اسٹوری شیئر کی گئی ہے، جس نے صارفین کی توجہ اپنی جانب کھینچ لی ہے۔
ملائیکہ نے اپنی اسٹوری پر ایک تصویر شیئر کی ہے جس میں لکھا ہے، "دل کو ایک لمحے کے لیے چُھو لینا، زندگی بھر کے لیے روح کو چُھو لینے کے مترادف ہے۔"
اس کے ساتھ ہی انہوں نے اپنے فالوورز کو گڈ مارننگ بھی وش کیا۔
واضح رہے کہ ملائیکہ اروڑا نے 2017ء میں ارباز خان سے طلاق لینے کے بعد 2018ء میں ارجن کپور کے ساتھ ڈیٹنگ شروع کی تھی۔