"میں نے کر دکھایا! میں دنیا کی سب سے اونچی عمارت کی چوٹی پر کھڑا ہوں،"
مشہور یوٹیوبر جمی ڈونلڈسن المعروف مسٹر بیسٹ نے برج خلیفہ کی چوٹی سے حیرت اور خوشی سے ملے جلے جذبات میں مبتلا ہو کر اعلان کیا۔ اپنی معمول کی خوداعتمادی کے باوجود، مسٹر بیسٹ نے نیچے دیکھنے پر گھبراہٹ کا اعتراف کیا، "یہ خوفناک ہے! مجھے نیچے نہیں دیکھنا چاہیے تھا۔"
مسٹر بیسٹ کا برج خلیفہ پر چڑھنے کا یہ کارنامہ ان کی حالیہ ویڈیو کا شاندار اختتام تھا، جس میں انہوں نے 1 ڈالر سے لے کر 5 لاکھ ڈالر تک کی مختلف سفری تجربات کا موازنہ کیا۔ دلچسپ بات یہ ہے کہ کم بجٹ والے آپشن میں صرف ایک مختصر اونٹ کی سواری شامل تھی، جبکہ مہنگے ترین تجربات میں دبئی کے مشہور مقامات جیسے اٹلانٹس، دی پام میں لگژری سوئٹ، دبئی آٹوڈروم میں سپر کار ریس، اسکائی ڈائیونگ، اور برج خلیفہ کی انتہائی بلند ترین چوٹی پر چڑھائی شامل تھی۔
برج خلیفہ کا یہ چڑھائی کا کارنامہ مسٹر بیسٹ کی مقبول ترین اسٹنٹس میں سے ایک بن گیا ہے، جس سے وہ ان گنے چنے لوگوں کی فہرست میں شامل ہوگئے ہیں جنہوں نے اس 828 میٹر بلند عمارت کی چوٹی کو فتح کیا ہے۔
وہ شخصیات جنہوں نے برج خلیفہ کو فتح کیا
ٹام کروز – 2010
ٹام کروز نے مشن: امپوسیبل – گھوسٹ پروٹوکول کے ایک سنسنی خیز سین کے لیے برج خلیفہ کی بلندی پر چڑھائی کی۔ اپنی اسٹنٹس خود کرنے کے شوقین کروز نے بلڈنگ کے بیرونی حصے پر لٹک کر یہ کارنامہ سر انجام دیا۔
شیخ حمدان – 2018
دبئی کے ولی عہد شیخ حمدان نے 38 منٹ میں برج خلیفہ کے 160 فلورز کو عبور کیا، جو ان کی بہترین جسمانی صلاحیت کا ثبوت ہے۔
نکول اسمتھ لڈوک – 2021
امارات ایئرلائنز کے ایک وائرل اشتہاری مہم میں نکول نے برج خلیفہ کی چوٹی پر کھڑے ہو کر سب کو حیران کر دیا۔
ول اسمتھ – 2021
معروف ہالی ووڈ اسٹار ول اسمتھ نے اپنے یوٹیوب سیریز کے لیے برج خلیفہ کی سیڑھیاں چڑھ کر دل کی صحت کو بہتر بنانے کا تجربہ کیا۔
سام سنڈرلینڈ – 2022
برطانوی موٹوکراس چیمپئن سام سنڈرلینڈ نے دبئی ٹورازم اور ریڈ بل کے ساتھ ایک مختصر فلم کے لیے برج خلیفہ پر چڑھائی کی۔
ایلن رابرٹ اور الیکس لینڈوٹ – 2023
"فرنچ اسپائڈر مین" کے نام سے مشہور ایلن رابرٹ اور ان کے ساتھی الیکس لینڈوٹ نے 2023 میں برج خلیفہ کو ماحول دوست مہم کے لیے سر کیا۔
یہ کارنامہ مسٹر بیسٹ اور ان جیسے منفرد شخصیات کی مثالیں ہیں، جو بلندیاں سر کرنے میں یقین رکھتے ہیں۔ اس کہانی نے جہاں مسٹر بیسٹ کے مداحوں کو جوش و خروش دلایا، وہیں دبئی کی حسین عمارتوں کی اہمیت کو بھی اجاگر کیا۔