پاکستان اور آسٹریلیا کے درمیان تین میچوں کی ٹی 20 سیریز کا پہلے میچ میں آسٹریلیا نے پاکستان رنز سے شکست دے دی۔
اس سے قبل بارش کی وجہ سے ٹاس تاخیر کا شکار ہوا جس کے بعد میچ کو سات، سات اوورز تک محدود کر دیا گیا۔
آسٹریلیا کی اننگز
آسٹریلیا کی جانب سے گلین میکسویل 19 گیندوں پر 43 رنز کی شاندار اننگز کھیل کے آؤٹ ہوئے، ان کی اننگز میں 5 چوکے اور 3 چھکے شامل ہیں۔
اس کے علاوہ میتھیو شارٹ سات، جیک فریسر اور ٹم ڈیوڈ نو، نو رنز بنا کر آؤٹ ہوئے۔ یوں مقررہ سات اوورز میں آسٹریلیا نے چار وکٹوں کے نقصان پر 93 رنز بنائے۔
پاکستان کی جانب سے حارث رؤف اور نسیم شاہ نے ایک، ایک جبکہ عباس آفریدی نے دو کھلاڑیوں کو آؤٹ کیا۔
پاکستان کی جانب سے حسیب اللہ اور سلمان علی آغا آسٹریلیا کے خلاف ٹی ٹوئنٹی ڈیبیو کر رہے ہیں۔
اس سے قبل ٹی 20 فارمیٹ میں دونوں ٹیمیں آخری مرتبہ مارچ 2022 میں لاہور میں آمنے سامنے آئی تھیں جس میں آسٹریلیا نے کامیابی حاصل کی تھی۔
واضح رہے کہ دورہ آسٹریلیا میں اس سے قبل پاکستان نے آسٹریلیا کو تین میچوں پر مشتمل ون ڈے سیریز میں 1-2 سے شکست دی تھی۔
پاکستان کی پلیئنگ الیونصاحبزادہ فرحان، عثمان خان، بابر اعظم، محمد رضوان ن(کپتان)، حسیب اللہ، سلمان علی آغا، عرفان خان، شاہین شاہ آفریدی، نسیم شاہ اور حارث راؤف پاکستان کی پلیئنگ الیون کا حصہ ہیں۔آسٹریلیا کی پلیئنگ الیونجوش انگلس (کپتان)، شین ایبٹ، زیویئر بارلے، کوپر کونلی، ٹم ڈیوڈ، ایرون ہارڈی، سپینسر جانسن، گلین میکسویل، میتھیو شارٹ، مارکس سٹوئنس اور ایڈم زمپا آسٹریلیا کی پلیئنگ الیون میں شامل ہیں۔