پاکستان ویمنز ٹیم کی بیٹر سدرہ امین زندگی کی نئی اننگز کھیلنے کیلئے تیار ہے، انہوں نے سوشل میڈیا کے ذریعے مداحوں کیساتھ یادگار لمحہ شیئر بھی کیا۔
فوٹو اینڈ ویڈیو شیئرنگ ایپ انسٹاگرام پر قومی ٹیم ویمنز ٹیم کی بیٹر سدرہ امین نے کیپشن میں لکھا کہ ہمیشہ کیلئے یادگار دن!، کرکٹر کی شادی رواں ماہ کے اختتام پر ہوگی۔
سال 2013 آئی سی سی ویمنز کرکٹ ورلڈکپ میں انٹرنیشنل ڈیبیو کرنے والی سدرہ امین نے 2022 میں بنگلادیش کے خلاف اپنی پہلی سنچری اسکور کی تھی۔
بعد ازاں سدرہ امین نے آئرلینڈ کے خلاف ناقابل شکست 176 رنز کی اننگز کھیلی، جو ون ڈے میں پاکستانی خاتون کا سب سے بڑا انفرادی اسکور ہے۔