پاکستان سپورٹس بورڈ نے تمغہ جیتنے والے اولمپئنز اور عالمی چیمپئنز کے لئے گولڈ کارڈ جاری کرنے کی منظوری دے دی۔
گولڈ کارڈ جاری کرنے کا مقصد بین الاقوامی سطح پر ان کی کامیابیوں کو تسلیم کرنا اور ان کو اعزاز دینا ہے، پی ایس بی کے ایک نوٹیفکیشن کے مطابق گولڈ کارڈ پاکستان کی کھیلوں کی میراث میں کھلاڑیوں کی شراکت کیلئے شکر گزاری کے نشان کے طور پر کام کریگا۔
سنچورین ٹیسٹ: جیت کیلئے پاکستان کو 7 وکٹیں، جنوبی افریقا کو 121 رنز درکار
اسلام آباد میں پاکستان سپورٹس کمپلیکس اورملک بھر میں پی ایس بی کوچنگ سینٹرز میں کھیلوں کی تمام سہولیات تک مفت رسائی فراہم کرتا ہے، کارڈ ہولڈرز پی ایس بی ہاسٹلز میں فی کیلنڈر سال 20 دن تک مفت رہائش کا لطف اٹھائینگے۔
اعزازی حد سے آگے بورڈ سے منظور شدہ نرخوں پر رہائش حاصل کی جا سکتی ہے، اہل کھلاڑی گولڈ کارڈ کیلئے اپنی متعلقہ نیشنل سپورٹس فیڈریشنز کے ذریعے درخواست دے سکتے ہیں۔
درخواستوں کا جائزہ ایک وقف کمیٹی کے ذریعے لیا جائے گا اور کامیاب تصدیق کے بعد پی ایس بی کے ڈائریکٹر جنرل گولڈ کارڈ کی منظوری جاری کریں گے۔