گزشتہ روز قائد اعظم ڈے کے موقع پر پاکستانی فاسٹ بولر شاہین شاہ آفریدی نے مزار قائد پر حاضری دی اور پھولوں کی چادر چڑھائی۔
اس موقع پر انہوں نے میڈیا سے گفتگو بھی کی۔
ان کا کہنا تھا کہ، مزارِ قائد پر حاضری کا موقع ملا یہ میرے لیئے بہت اعزاز کی بات ہے۔
ساتھ ہی کرکٹ کے حوالے سے بات کرتے ہوئے انہوں نے کہا کہ، حال ہی میں ہم جنوبی افریقہ سے تاریخی ون ڈے سیریز جیتے جو پوری قوم کے لیئے خوشی کا باعث بنی، اس جیت میں کھلاڑیوں کی محنت اور کوشش شامل تھی۔
پاکستانی فاسٹ بولر شاہین آفریدی نے کہا ہے کہ ۔
شاہین آفریدی نے مزید کہا کہ، پاکستان کرکٹ کیلئے یہ سال اچھا رہا، ٹیم نے کبھی ہمت نہیں ہاری، جب ملک کی نمائندگی کرتے ہیں تو فخر ہوتا ہے، گرین جرسی پہننا میرے لیے اعزاز ہے۔
چیمپئنز ٹرافی کے حوالے سے ان کا کہنا تھا کہ، "میں کرکٹر ہوں، میرا کام کھیلنا ہے سیاست نہیں۔ بھارت اگر پاکستان میں کھیلتا تو اچھی مہمان نوازی کرتے، اب وہ جہاں بھی کھیلے مقابلہ کرنے کیلئے تیار ہیں۔"