پاکستان سپر لیگ کی تاریخ میں پہلی بار فینز چوائس ایوارڈز کا اعلان کیا گیا۔ 10 ویں ایڈیشن کی ڈرافٹنگ کے موقع پر ناموں کا اعلان کیا گیا۔
گزشتہ روز حضوری باغ لاہور میں دنیا کی مقبول ترین لیگز میں سے ایک پاکستان سپر لیگ کے دسویں ایڈیشن کے لیے ڈرافٹنگ ہوئی۔ اس موقع پر پاکستان کرکٹ بورڈ نے سوشل میڈیا کے ذریعے پی ایس ایل کی تاریخ میں پہلی بار فینز چوائس ایوارڈز کا اعلان کیا۔
پاکستان کے ریکارڈ ساز اسٹار بلے باز بابر اعظم کو پی ایس ایل کا بہترین بلے باز اور شاہین شاہ آفریدی کو بہترین بولر قرار دیا گیا جب کہ شاداب خان بہترین آل راؤنڈر کا ایوارڈ حاصل کرنے میں کامیاب رہے۔
اس کے علاوہ فینز چوائس ایوارڈ پر شاہین شاہ آفریدی کی 2018 کے ایڈیشن میں 5 وکٹوں کی پرفارمنس کو بہترین بولنگ پرفارمنس قرار دیا گیا۔ پی ایس ایل کے ساتویں سیزن میں بہترین کارکردگی کا مظاہرہ کرنے پر شاداب خان موسٹ ویلیو ایبل کرکٹر قرار پائے۔
ویسٹ انڈیز کے سابق کپتان اور پشاور زلمی کے اولین کپتان ڈیرن سیمی نے آئیکون آف پی ایس ایل کا ایوارڈ اپنے نام کیا۔ بہترین انفرادی اننگ کا ایوارڈ جیسے روئے لے اڑے۔