جاری مالی سال کے پہلے چھ ماہ میں پٹرولیم مصنوعات کی درآمدات میں سالانہ بنیادوں پرایک فیصدکااضافہ ہواہے۔
ادارہ شماریات پاکستان کے اعدادوشمارکے مطابق مالی سال کے پہلے چھ ماہ میں پٹرولیم مصنوعات کی درآمدات پر 8.086ارب ڈالرزرمبادلہ خرچ ہواجوگزشتہ مالی سال کی اسی مدت کے مقابلہ میں ایک فیصدزیادہ ہے،گزشتہ مالی سال کی اسی مدت میں پٹرولیم مصنوعات کی درآمدات کاحجم 8.006ملین ڈالرریکارڈکیاگیاتھا۔
ٹرمپ نے بائیڈن دورکے78احکامات اورفیصلوں کومنسوخ کردیا
دسمبر2024میں پٹرولیم مصنوعات کی درآمدات پر1.565ارب ڈالرزرمبادلہ خرچ ہواجونومبرکے مقابلہ میں 11فیصد اوردسمبر2023کے مقابلہ میں ایک فیصدزیادہ ہے، نومبرمیں پٹرولیم مصنوعات کی درآمدات کاحجم 1.407ارب ڈالر اوردسمبر2023میں 1.552ارب ڈالرریکارڈکیاگیاتھا۔
سونا مزید 300 روپے مہنگا،فی تولہ قیمت 2 لاکھ 83 ہزار200 روپے پر جا پہنچی
جاری مالی سال کے پہلے چھ ماہ میں ایل پی جی کی درآمدات پر 536ملین ڈالرکازرمبادلہ خرچ ہواجوگزشتہ مالی سال کی اسی مدت کے 348ملین ڈالرکے مقابلہ میں 54فیصدزیادہ ہے۔
اسی طرح ایل این جی کی درآمدات پر1.889ارب ڈالرخرچ ہوئے جوگزشتہ مالی سال کی اسی مدت کے 1.853ارب ڈالرکے مقابلہ میں دوفیصدزیادہ ہے۔