ٹی وی میزبان جگن کاظم کو اپنے مارننگ شو میں رشتے داروں کے جسم سے بدبو آنے کی بات کہنے پر تنقید کا سامنا ہے۔
جگن کاظم نے کچھ دن قبل اپنے شو میں صفائی کی اہمیت پر بات کرتے ہوئے رشتے داروں کی کہانی بتائی تھی، جس پر انہیں تنقید کا سامنا ہے۔
ٹی وی میزبان نے بتایا تھاکہ وہ کچھ عرصہ قبل رشتے داروں کی ایک شادی میں گئیں، جہاں ایک جاننے والے خاندان کے افراد سے انہوں نے بات کی، جنہوں نے اپنی صفائی کا خیال نہیں رکھا ہوا تھا۔
اداکارہ و ٹی وی میزبان نے بتایا تھا کہ مذکورہ خاندان کے دو افراد کے جسم اور کپڑوں سے اتنی زیادہ بدبو آ رہی تھی کہ ان کے ساتھ کھڑے ہونے اور بات کرنے میں بھی مسئلہ ہو رہا تھا۔
ان کا کہنا تھا کہ لگتا تھا کہ مذکورہ دونوں افراد نے کئی دن سے اپنے بال تک نہیں دھوئے اور ان کے بالوں سے سفیدی نظر آ رہی تھی، جس سے معلوم ہوتا تھا کہ انہوں نے بال تک نہیں دھوئے۔
جگن کاظم نے بات کو جاری رکھتے ہوئے کہا تھا کہ ان کے جاننے والے خاندان کے دونوں افراد نے دانتوں کی صفائی بھی نہیں کی ہوئی تھی، اس لیے ان کے بات کرتے وقت بھی بدبو آ رہی تھی۔
انہوں نے صفائی کی اہمیت پر زور دیتے ہوئے کہا کہ ایسے افراد کو چاہیے کہ وہ جب بھی محفل یا پروگرام میں جائیں تو اپنی صفائی کا خیال رکھ جائیں، کیوں کہ ان کی بدبو سے نہ صرف ان کی شخصیت بلکہ دوسرے افراد کو بھی تکلیف ہو سکتی ہے۔
جگن کاظم کی جانب سے ٹی وی شو میں اپنے رشتے داروں کی بات کرنے پر انہیں تنقید کا نشانہ بنایا گیا۔
صارفین نے اداکارہ کو آڑے ہاتھوں لیتے ہوئے لکھا کہ انہوں نے مذکورہ افراد کو سامنے نہیں بتایا کہ لیکن ٹی وی شو پر بات کرکے پورے ملک کو بتادیا۔
صارفین نے انہیں تجویز دی کہ کسی کا پردہ رکھنا سیکھیں اور یہ کہ وہ انہیں مذکورہ بات سامنے ہی بتا دیتیں تو اچھا تھا۔
بعض افراد نے لکھا کہ مذکورہ خاندان کو بھی بتانا چاہیے کہ میزبان کیسے اس طرح کی باتیں کرلیتی ہیں۔