پاکستان اسٹاک ایکسچینج میں تیزی کا رجحان برقرار ہے ، دوسری جانب ڈالر کی قیمت میں اتار چڑھائو کا سلسلہ جاری ہے۔
کاروباری ہفتے کے چوتھے روز بھی اسٹاک ایکسچینج میں کاروبار کا مثبت آغاز ہوا ، پہلے سیشن میں 100 انڈیکس میں 557 پوائنٹس کا اضافہ ریکارڈ کیا گیا جس سے انڈیکس ایک لاکھ 13 ہزار 900 پوائنٹس کی سطح پر پہنچ گیا۔
گزشتہ روز بھی ہنڈریڈ انڈیکس میں نمایاں اضافہ ہونے سے سرمایہ کاروں کو اربوں روپے کا فائدہ ہوا تھا۔
اسٹاک مارکیٹ میں مثبت کاروبار ، انڈیکس نے پھر ایک لاکھ ، 12 ہزار کی حد عبور کر لی
دوسری جانب انٹر بینک میں کاروبار کے آغاز پر ڈالر 10 پیسے سستا ہو گیا ، جس کے بعد ڈالر کی قیمت 279 روپے 37 پیسے ہو گئی۔
واضح رہے کئی دنوں سے ڈالر کی قیمت میں اتار چڑھائو کا سلسلہ جاری ہے ، کاروبار کے آغاز پر ڈالر کی قیمت میں کمی دیکھنے میں آتی ہے تاہم کاروباری دن کے اختتام پر قیمت میں اضافہ ہو جاتا ہے۔