میامی: ارجنٹائن کے اسٹار فٹبالر لیونل میسی سے میکسیکن ریفری مارکو انٹونیو اورٹنز ناوا کو آٹو گراف مانگنا مہنگا پڑ گیا۔
غیر ملکی خبر رساں ایجنسی کے مطابق اسٹار فٹبالر لیونل میسی سے آٹوگراف مانگنے پر میکسیکن ریفری کو کنفیڈریشن آف نارتھ، سینٹرل امریکہ اینڈ کیریبیئن ایسوسی ایشن فٹبال کی جانب سے 6 ماہ کی پابندی عائد کر دی گئی۔
کونکاکاف فٹبال چیمپئنز کپ کے دوران 19 فروری کو انٹر میامی اور سپورٹنگ کنساس سٹی کے درمیان میچ کھیلا گیا۔ جس میں انٹر میامی نے ایک صفر سے کامیابی حاصل کی۔
اس میچ کے بعد میکسیکن ریفری نے قریبی معذور رشتے دار کے لیے لیونل میسی سے آٹو گراف کی درخواست کی۔
یہ بھی پڑھیں: چیمپئنز ٹرافی میں ناقص کارکردگی ، قومی ٹیم کے سینئر کھلاڑیوں کا مستقبل خطرے میں پڑ گیا
انتظامیہ نے اس صورتحال کا جائزہ لینے کے بعد کہا کہ میکسیکن ریفری کی جانب سے ضابطہ اخلاق کی خلاف ورزی ہوئی ہے۔ جسے ریفری نے تسلیم کرتے ہوئے معافی مانگ لی۔ تاہم ریفری کو 6 ماہ کی پابندی کا سامنا کرنا پڑے گا۔