"میں نے نادر علی کے پوڈکاسٹ سے واک آؤٹ کیا کیونکہ وہ بار بار نامناسب سوالات پوچھ رہے تھے۔ دو تین سوالوں کے بعد ہی مجھے اندازہ ہو گیا کہ میں اس شو کا حصہ نہیں بن سکتی، اس لیے میں نے اٹھ کر جانے کا فیصلہ کیا۔"

نادیہ خان نے نادر علی کے شو سے واک آؤٹ کرنے کی وجہ بتا دی!

پاکستانی انٹرٹینمنٹ انڈسٹری کی معروف میزبان اور اداکارہ نادیہ خان ہمیشہ اپنی بے باک رائے اور دوٹوک انداز کے لیے جانی جاتی ہیں۔ وہ نہ صرف اپنی بات کھل کر کہتی ہیں بلکہ غیر ضروری سوالات پر سخت ردعمل دینا بھی جانتی ہیں۔ یہی وجہ ہے کہ جب انہیں نادر علی کے پوڈکاسٹ میں نامناسب سوالات کا سامنا کرنا پڑا تو انہوں نے شو سے واک آؤٹ کر دیا!

نادر علی کے سوالات پر نادیہ خان کا شدید ردعمل!

نادیہ خان نے 365 نیوز کو دیے گئے ایک حالیہ انٹرویو میں انکشاف کیا کہ وہ نادر علی کے پوڈکاسٹ کے دوران ان کے بے تکے سوالات برداشت نہ کر سکیں اور شو کو بیچ میں ہی چھوڑ کر چلی گئیں۔ ان کا کہنا تھا کہ نادر علی نے بار بار ذاتی نوعیت کے سوالات کیے، جو کسی بھی مہمان کے لیے غیر آرام دہ ہو سکتے ہیں۔

انہوں نے وضاحت کی کہ جیسے ہی دو تین سوالات حد سے تجاوز کرنے لگے، وہ مزید برداشت نہ کر سکیں اور اٹھ کر جانے کا فیصلہ کر لیا۔

یہ پہلا واقعہ نہیں!

اس گفتگو میں اداکارہ ژالے سرحدی نے بھی اپنی رائے کا اظہار کرتے ہوئے بتایا کہ نادر علی نے اس سے پہلے بھی اداکارہ سنیٹا مارشل سے ایک غیر مناسب سوال کیا تھا، جس پر سنیٹا نے سخت ردعمل دیا تھا۔

"اداکاروں کو اپنی عزت خود کرانی ہوگی!"

نادیہ خان نے مزید کہا کہ شوبز انڈسٹری کے لوگوں کو اپنی سینئیرٹی کا احساس ہونا چاہیے اور انہیں ایسے نامناسب سوالات کرنے والے افراد کو حد میں رکھنا سیکھنا ہوگا۔