پاکستان سپر لیگ (پی ایس ایل) سیزن 10 کے 13 ویں میچ میں اسلام آباد یونائیٹڈ نے ملتان سلطانز کو سات وکٹوں سے شکست دے دی ہے۔
بدھ کو ملتان کرکٹ سٹیڈیم میں اسلام آباد یونائیٹڈ نے مطلوبہ ہدف 18ویں اوور کی پہلی گیند پر حاصل کیا جبکہ اس کی تین وکٹیں باقی تھیں۔
اسلام آباد یونائیٹڈ کی جانب سے آندرے گوس نے 80 رنز کی ناقابلِ شکست اننگز کھیلی۔ان کے علاوہ کولن منرو 45، صاحبزادہ فرحان 22 اور محمد نواز 21 رنز بنا کر آؤٹ ہوئے جبکہ سعد مسعود صفر کے ساتھ ناٹ آؤٹ رہے۔ملتان سلطانز کی جانب سے مائیکل بریسویل، عبید شاہ اور کرس جورڈن نے ایک، ایک وکٹ حاصل کی۔
اس سے قبل ملتان سلطانز نے اسلام آباد یونائیٹڈ کے خلاف پہلے بیٹنگ کرتے ہوئے مقررہ 20 اوورز میں پانچ وکٹوں کے نقصان پر 168 رنز بنائے تھے۔
ملتان سلطانز کی جانب سے عثمان خان 61 رنز بنا کر نمایاں رہے۔
ان کے علاوہ کپتان محمد رضوان 36، یاسر خان 29، افتخار احمد 10 اور مائیکل بریسویل نو رنز بنا کر آؤٹ ہوئے جبکہ کامران غلام 13 اور کرس جورڈن چھ رنز بنا کر ناٹ آؤٹ رہے۔
اسلام آباد یونائیٹڈ کی جانب سے جیسن ہولڈر، محمد نواز، رائلے میریڈیتھ اور شاداب خان نے ایک، ایک وکٹ حاصل کی۔
رواں ایونٹ میں اسلام آباد یونائیٹڈ پانچ میچز کھیلنے کے بعد تاحال ناقابل شکست ہے اور یوں پوائنٹس ٹیبل پر پہلی پوزیشن پر ہے۔
ملتان سلطانز نے پانچ میچز کھیل کر صرف دو پوائنٹس حاصل کیے ہیں اور وہ پوائنٹس ٹیبل پر آخری نمبر پر ہے۔
اس سے قبل رواں ایونٹ میں ملتان سلطانز اور اسلام آباد یونائیٹڈ کے درمیان ایک میچ ہوا تھا جس میں اسلام آباد نے 29 رنز سے فتح سمیٹی تھی۔
ملتان سلطانز کی ٹیم
اس میچ میں محمد رضوان (کپتان و وکٹ کیپر)، یاسر خان، عثمان خان، کامران غلام، مائیکل بریسویل، افتخار احمد، ایشٹن ٹرنر، ڈیوڈ ولی، اسامہ میر، عبید شاہ اور جوسف لِٹل ملتان سلطانز کے سکواڈ میں شامل تھے۔
اسلام آباد یونائیٹڈ کی ٹیم
اس میچ میں آندرے گوس (وکٹ کیپر)، صاحبزادہ فرحان، کولن منرو، شاداب خان (کپتان)، محمد نواز، حیدر علی، جیسن ہولڈر، عماد وسیم، سعد مسعود، رائلے میریڈیتھ اور سلمان ارشاد اسلام آباد یونائیٹڈ کا حصہ تھے۔