بالی ووڈ کا مشہور جوڑا وکی کوشل اور کترینہ کیف ایک بار پھر خبروں کی زینت بن گیا، لیکن اس بار وجہ کوئی فلم یا شو نہیں بلکہ اُن کے جُوہو والے شاہانہ اپارٹمنٹ کا کرایہ ہے — جو اتنا زیادہ ہے کہ سن کر عام آدمی کا ہوش اُڑ جائے!
تازہ رپورٹس کے مطابق دونوں نے اپنا 3 سالہ کرایہ داری معاہدہ دوبارہ سائن کر لیا ہے، اور وکی اب ہر مہینے 17 لاکھ روپے سے زائد کرایہ ادا کریں گے۔ یعنی اگلے تین برسوں میں یہ رقم 6.2 کروڑ بھارتی روپے تک جا پہنچے گی۔ جی ہاں، صرف رہنے کے لیے!
یہ شاندار اپارٹمنٹ ممبئی کے مہنگے ترین علاقے جُوہو میں واقع راج محل ریزیڈنسی میں ہے، جس کا سائز تقریباً 2781 اسکوائر فٹ ہے۔ اس کے ساتھ تین گاڑیوں کی الگ پارکنگ بھی دی گئی ہے — مطلب لگژری کا پورا پیکج!
دلچسپ بات یہ ہے کہ یہ وہی علاقہ ہے جہاں ورون دھون، جھانوی کپور اور شکتی کپور جیسے اسٹارز بھی رہائش پذیر ہیں، لیکن وکی اور کترینہ کا یہ نیا ٹھکانہ نہ صرف خوبصورتی میں الگ ہے، بلکہ ان کے سٹائل اور کلاس کی بھی بھرپور عکاسی کرتا ہے۔