محکمہ صحت سندھ نے عالمی ادارہ صحت کے پاکستان میں نمائندے کو خط لکھ دیا، جس میں مچھروں سے پھیلنے والی بیماریوں پر قابو پانے کے لیے تعاون کی درخواست کی گئی ہے۔
خط میں بارشوں اور موسمیاتی تبدیلی کے باعث مچھروں سے پھیلنے والی بیماریاں بڑھنے کا خدشہ ظاہر کرتے ہوئے کیس مینجمنٹ، تشخیصی سہولیات اور انڈور اسپرے میں تعاون کے لیےکہا گیا ہے۔
خط میں طبی عملے کی تربیت کے لیے بھی ڈبلیوایچ او سے تکنیکی معاونت کی درخواست کی گئی ہے۔
خط میں عالمی ادارہ صحت سے مسلسل تعاون پر اظہار تشکر کرتے ہوئے کہا گیا ہے کہ ڈبلیو ایچ او کی مزید معاونت سے مریضوں کو فائدہ پہنچے گا اور صورتحال بہتر ہوگی۔