وزیر اعلیٰ سندھ سید مراد علی شاہ نے یوم عاشور پر کہا ہے کہ تمام مکاتب فکر کے تعاون سے امن کا پیغام عام کریں گے۔
وزیراعلی سندھ عاشورہ جلوس میں شرکت کرنے سی بریز پہنچے، اس دوران میڈیا سے بات کرتے ہوئے ان کا کہنا تھا کہ محرم الحرام کے دوران امن و امان اور شہریوں کی سہولت اولین ترجیح ہے۔
جلوس کے راستوں پر سیکیورٹی کے فول پروف انتظامات کیے گئے ہیں، پولیس، رینجرز اور دیگر قانون نافذ کرنے والے ادارے الرٹ ہیں جبکہ سی سی ٹی وی کیمروں، ڈرونز اور کنٹرول رومز کے ذریعے جلوس کی نگرانی کی جارہی ہے۔
وزیر اعلی سندھ کے ہمراہ سینیٹر وقار مہدی، صوبائی وزیر داخلہ ضیا الحسن لنجار بھی موجود تھے، جبکہ آئی جی سندھ غلام نبی میمن ، کمشنر کراچی حسن نقوی، اور جلوس کے منتظمین نے انکا استقبال کیا،.