Assalam-0-Alaikum...
Main Hoon Aik Muslim Aain Aap Ko Apne Ilm Ki Roshni Se Mustafeed Keroon, Or Aap
Hi Faisla Kerna K Main Kitna Muslim Hoon.... Lal Masjid Main Kiya Hua, Pata
Nahin...Doctor Aafia K Saath Kiya Hua, Pata Nahin...Sawaat Main Kiya Ho Raha Hai
Kiun Ho Raha Hai, Pata Nahin....Economy Roz Broz Kiun Girtee Ja Rahee Hai, Pata
Nahin....Pakistan Main Invest Kerne Walay Kahan Gaye, Pata Nahin....Cerruncy
Kiun Girtee Ja Rahee Hai, Maloom Nahin....Mere Ird Gird Kiya Ho Raha Hai Ye Bhi
Mujhe Maloom Nahin Hai...But Mere Ilm Ki Limit Yahaan Per Khatam Nahin Hoti
Mujhe Or Buhat See Cheezon K Baaray Main Pata Hai.
Hmmmm......Mujhe Pata Hai K Main Apne Ghar K Ander Sakoon K Saath Betha Hoon,
Gharoor Or Takabbur Mujh Per Ghaalb Aa Chuka Hai, Mujh Se Kamtar Log Mere Saamne
Keeray Makoray Hain, Main Buhat Achi Or Mehgi Dressing Kerta Hun, Mere Dad Buhat
Kama Lete Hain Govt Ki Jo Job Kerte Hain Upper Se Politition Bhi Hain Salary
Kiya Kam Hai Jo Upper Se Bhi Lakhon Ho Jate Hai, Mujhe Pata Hai Main Haram Kha
Raha Hun, Pata Hai Mere Ghar Main Wo Sab Kuch Hai Jo Aik Sakoon Ki Zindagee
Guzaarnay K Liye Buhat Ziaada Hai, Aap Ko Pata Hai Mujhe Derr Nahin Lagta Na Mot
Se Khaas Tor Per Uss Waqat Jab Main Kisi Ka Haq Maarta Hun Apne Se Kamter Per
Zulam Kerta Hun, Buhat Bahadur Hun Main, Pata Hai Sab Mujh Se Derte Hai, Hum
Ameer Se Ameer Ter Hote Jaa Rahe Hain, Pesa Hai K Kam Hone Kaa Naam Hi Nahin
Leta Hai, Pata Hai Kiun Hmmmm....Hum Zakaat Jo Nahin Dete Hain...Kesa.
Lekin Mujhe Sakoon Ki Neend Nahin Aati Hai, Raat Ko Ac K Neechay Bhi Germee
Lagtee, Naram Bister Per Bhi Sakoon Nahin Milta, Sab Kuch Kha Ker Bhi Aisa Lagta
Hai K Main Bhooka Hun, Mere Umer Guzertee Ja Rahee Hai, Mujhe Derr Lagta Hai K
Main Bherpoor Jawan Hone K Baad Bhoorra Ho Jao Ga, Jab Main Merne Wala Hun Ga To
Mera Khazaana Mujhe Nahin Bacha Sake Ga, Mera Dil Kerta Hai K Main Sab Kuch
Khareed Loon Apnee Zindagee, Apne Payaron Ki Zindagee Unhain Kuch Na Hone Doon,
Pata Hai Mera Aik Bhai Andha Hai, Shayad Ye Mere Dad Ki Or Mere Liye Saza Hai,
Main Apna Sab Kuch Kherch Ker K Bhi Ussay Theek Nahin Kerwa Sakta Hun...Doctor
Kehte Hain K Wo Theek Nahin Ho Sakta Hai Usse Sirf Kisi Ki Dua Hi Theek Ker
Saktee Hai, Perr Dua Keray Ga Kon Mere Dad Jo Gunaah Ki Deldal Main Itnaa Doob
Chuke Hain K Nikalna Bhi Chahain To Nahin Nikal Saktay, Ya Main Main Kiya Dua
Mangoon Ga Kis Moon Se Maangoon Ga Nahin Nahin Mujhe Sharam Aa Rahee Hai ALLAH
Se Kuch Maangte Hue, Mere Mama Nahin Unhain To Apne Fashion Se Hi Fursat Nahin
Hai......Main Kahan Jaaon Kiss Se Kahoon Mera Pesa Mere Kaam Kiun Nahin Aa Raha
Hai, Mere Hirs Khatam Hona Ka Naam Hi Nahin Le Rahee Hai.......Aye Mere Maalik
Main Kuch Bhi Nahin Hun Main Iss Kaabil To Nahin K Aap Se Kuch Maang Sekoon Apne
Aap Ko Dekhta Hun To Sharam Se Ser Jukh Jata Hai Ya ALLAH Main Aaj Waada Kerta
Hun Main Jihaad Keroon Ga, Dukhi Logon Ki Madad Keroon Ga, Kamzoron Ko Kandha
Doon Ga, Mere Maalik Mujhe Maaf Ker Dain, Main Bhool Gaya Tha K 1 Roz Mujhe
Merna Hai......Muhje Maaf Ker Dain....Mujhe Maaf Ker Dain.....Astaghfirullah.