(Chiraghdeen, Karachi)
Naik Kaam Mein Dair Mat Karo. Badlah Leney Mein Jaldi Mat Karo. Jab Bin Nikahi Aurat K Sahih Jorr Ka Mard Nikah Ka Peghaam Dey Tau Dair Mat Karo. Agar Baghair Kisi Sharaee Wajah K Waldein Ya Sarparast Larrki Ki Shadi Mein Dair Karain Ge Tau Sakht Gunahgar Honge (Jaisey Keh: = Abhi Bachchi Ki Umr Hi Kia Hey, Abhi Tau Ham Bachchi Ko Apney Sey Door Nahi Karsaktey, Abhi Bachchi Parrh Rahi Hey, Yeh Matric Kerley Ya B.A. Kerley Waghera.) Jab Larrki Baligh Hojati Hey Yani Uske Din Shuroo Hojatey Hein Tau Tab Sey Hi Larrki Ki Shadi Ki Fikr Mein Mann Baap Ko Lag Jana Chaheye, Takeh Gunah Se Bach Jaain. Agar Koshish K Bawujood Sahih Jorr Ka Larrka Na Miley Tau Phir Gharwaley Gunahgar Na Honge. Jab Janazah Tayyar Hojaey Tau Murdey Ko Dafnaney Mein Dair Mat Karo. Foran Murdey Ko Dafnado. Murdey Ka Chehra Daikhna Na Farz Hey, Na Wajib, Na Sunnat, Na Mustahab Lekin Jaiz Hey, Dekha Jasakta He. Chehra Dekhney K Liye Murdey Ko Dafnaney Mein Dair Kerna Munasib Nahi Hey, Ya Kisi K Janazey Mein Shareek Honey K Waste Janaze Ko Rokna, Chahey Wo Sage Ya Bohot Hi Qareebi Rishte Daar Hi Kiyoon Na Hoon Murdey Ko Ghar Mein Rakhna Ya Baraf Khaney Mein Rakhwana, Yeh Sab Ghalat Hey…Murdey Ko Foran Dafan Kerdena Chaheye.