Marriage Life Is Very Difficult
Especially For Girl Although They Get A Lot Of Knowledge And Very Intelligent
And Very Educated. Girls Get Certificate Of Doctor, Engineer, Lawyer And
Whatever They Want. But There Is No Institute About Teaching “Who To Live In
Sosural After Marriage?” Here Is Discus About This Topic. Read Article In Urdu.
Kaamyab Bahu Banna Kay Gur:
Sab Susral Wale Aik Jaise Nahi Hote . Do Mukhtalif Mahol Mein Pale Huye Logon Ka
Takraao Ho Jata Hai Aur Bahu Hi Se Buhat Si Umeedein Wabistah Kar Li Jati Hain
Samjha Yah Jata Hai Keh Woh Har Fun Mola Hogi. Karhayi, Kashidah Kari, Kapre
Sina Ghar Ka Kaam Kaaj Gharz Har Cheez Mein Mahir Hogi. Baaz Dafa Aisa Hota Hai
Mazmun Mein Kori Hoti Hai. Woh Taleem Yaftah Huti Hai Magar Hamare Haan Aisa Koi
School Ya Adarah Nahi Jahan Larkion Ko Achi Bahu Ya Achi Saas Banna Sikhaya Jaye.
Halan Keh Yeh Nehayat Zaruri Hai. Aik Aisa Adarah Hona Chahiye Jahan Achi Bahu
Banne Ki Taaleem Aur Phir Certificate Bhi Dia Jaye. Afsos Keh Doctor, Teacher
Aur Engineering Waghairah To Parh Kar Taiyar Hote Hain Magar Bahu Banne Ki Koi
Taiyari Nahi.
Agar Nayi Biyahi Huyi Dulhan Khawand Se Larne Ya Shikayatain Karne Ki Bajaye Aik
Diary Ko Apni Saheli Bana Lein Aur Is Mein Sari Ranjish Likh Lein. To Larayi
Jhagra Ka Sawal Hi Paida Nahi Hoga. Diary Aik Aisi Saheli Hai Jo Aap Ke Sare
Raaz Apne Dil Mein Dafan Kar Leti Hai. Aap Ka Dil Bhi Halka Ho Jata Hai Aur Woh
Kisi Se Lagayi Bujhayi Bhi Nahi Karti.
Buhat Acha Banne Ki Koshish Mein Waqt Zayah Nahi Karna Chahiye. Nah Hi Adab Ke
Daire Se Bahir Nikalna Chahiye. Chote Dewar Ya Nand Ke Sath Hatt-Ul-Imkan
Dostanah Rawaiyah Rakhein Lekin Agar Woh Ghalti Karein To Bilkul Chote Behan
Bhayion Ki Tarah Daant Dein Takeh Woh Dobarah Aisi Harkat Kane Ki Jurrat Na Kar
Sakein. Baron Ke Sath Hameshah Adab Se Pesh Aayain. In Se Mashwarah Zarur Karein
Aur Jo Acha Lage Is Par Amal Bhi Karein Aur Agar Koi Pasan Na Aayain To Jatane
Ki Bajaye Is Mein Tarmeem Kar Lein. Har Aik Se Acha Saluk Karein Magar In Se
Tawaq-Quat Mat Rakhye Khamoshi Bahu Ka Buhat Bara Zewar Hai. Saas Susar Nand
Dewar Ki Kisi Baat Ka Zikar Khawand Se Mat Kijye Yeh Aap Ke Kirdar Ki Dusri Bari
Khubi Hai. Apni Shakhsiyat Ko Ghas Ki Tarah Komal Bana Lijye Jo Waqt Ki Tand
Aandhi Guzar Jane Ke Baad Bhi Sar Sabz-O-Shadab Rehti Hai. Agar Aap Tanawar
Darakht Banne Ki Koshish Karein Gi To Waqt Se Pehle Toot Jayain Gi.
Note: Sosraal Mein Khushgawar Zindagi Guzarne Ke Liye Neik Mashwarah
1-Khamoshi No Biyahta Ka Behtareen Dafayi Hathyar Hai.
2-Sosral Wale Bahu Ko Sirf Khare Hone Ki Jagah Dete Hain Baaqi Gunjaish Khud
Banana Hoti Hai.