خیبر پختونخوا کے ضلع ہری پور میں انسداد منشیات کارروائیاں تیز کردی گئیں، منشیات کے خلاف کاروائیوں کے دوران تھانہ ناڑا امازئی پولیس نے چڑونہ کے مختلف مقامات پر ساڑھے چار کنال سے زائد ایریا پر کاشت کی گئی افیون کی فصل تلف کردی۔
پولیس کے مطابق افیون کی فصل کو بذریعہ اسپرے تلف کیا گیا ہے، اس کے علاوہ سرکل غازی کے علاؤہ ناڑا امازئی میں بھی وسیع رقبے پر افیون کاشت کی گئی تھی جس کو مقامی پولیس نے تلف کردیا۔
یاد رہے کہ ضلع ہری پور میں انسداد منشیات کارروائیوں کے دوران چار افراد کے خلاف مقدمات درج کر کے ان کی گرفتاری کے لیے مختلف مقامات پر چھاپے بھی مارے جا رہے ہیں۔