صدرِ مملکت نے پارلیمنٹ کا مشترکہ اجلاس طلب کر لیا ہے۔ ایوانِ صدر کے میڈیا ونگ سے جاری بیان کے مطابق پارلیمنٹ کا مشترکہ اجلاس جمعہ 23 جنوری کو صبح 11 بجے طلب کیا گیا ہے۔
بیان میں کہا گیا ہے کہ مشترکہ اجلاس آئین کے تحت طلب کیا گیا ہے، جس میں قومی اسمبلی اور سینیٹ کے اراکین شرکت کریں گے۔ اجلاس میں اہم قومی و پارلیمانی امور زیرِ غور آنے کا امکان ہے۔
ایوانِ صدر کے مطابق مشترکہ اجلاس کے ایجنڈے سے متعلق تفصیلات بعد میں جاری کی جائیں گی۔