ایرانی صدر مسعود پزشکیان نے کہا ہے کہ ایران جنگ کا خواہاں نہیں اور ہمیشہ تنازعات سے گریز کا حامی رہا ہے، تاہم جارحیت کرنے والوں کے خلاف بھرپور طاقت کے ساتھ مزاحمت جاری رکھی جائے گی۔
سوشل میڈیا پلیٹ فارم ایکس پر جاری اپنے بیان میں انہوں نے واضح کیا کہ ایران خطے کی سلامتی اور اپنے عوام کے مفادات کے پیشِ نظر جنگ کی مخالفت کرتا ہے، لیکن کسی بھی جارحیت کے مقابلے میں اپنے دفاع، قومی مفادات اور عوام کے حقوق کے تحفظ سے ہر گز پیچھے نہیں ہٹے گا۔
انہوں نے زور دیا کہ ایران جارحانہ اقدامات کرنے والوں کو ان کے کیے پر مکمل پچھتاوے تک پہنچانے کے لیے اپنی دفاعی طاقت کا استعمال جاری رکھے گا۔