پاک فضائیہ دنیا کی بہترین فورسز میں شمار ہوتی ہے: سینیٹر مشاہد حسین

17 Feb, 2017 چینل24
اسلام آباد (24 نیوز): سینیٹر مشاہد حسین سید کی صدارت میں سینٹ کی قائمہ کمیٹی برائے دفاع نے پاک فضائیہ کے ہیڈ کوارٹرز اور کامرہ میں واقع ایروناٹیکل کمپلکس کا دورہ کیا، ایئر چیف مارشل سہیل امان نے کمیٹی کو پاک فضائیہ کے پیشہ ورانہ امور پر بریفنگ دی، جبکہ کامرہ میں کمیٹی نے جے ایف 17 تھنڈر کی تیاری کے مراحل کا مشاہدہ کیا۔پاک فضائیہ کے ترجمان کی جانب سے جاری کیے گئے بیان کے مطابق ایئر چیف مارشل سہیل امان نے دہشت گردی کیخلاف ضرب عضب میں پاک فضائیہ کے کردار پر روشنی ڈالی۔ انہوں نے کمیٹی کو مفصل بتایا کہ دیگر فورسز بالخصوص پاک فوج کیساتھ ملکر دہشت گردوں کیخلاف کامیاب کاروائیاں کیں۔پاک فضائیہ کی دفاع وطن کیلئے تیاریوں پر کمیٹی کو بریفنگ دیتے ہوئے پاک فضائیہ کے سربراہ نے بتایا کہ انہیں معلوم ہے کہ مادر وطن کے دفاع کیلئے ایئر پاور کس قدر اہم ہے۔ ایروناٹیکل کمپلکس کامرہ میں کمیٹی نے جے ایف 17 تھنڈر کی تیاری کے مختلف مراحل کا جائزہ لیا۔مشاہد حسین نے کہا کہ پاک فضائیہ دنیا کی بہترین فورسز میں شمار ہوتی ہے، دہشت گردی کیخلاف پاک فضائیہ کے کارنامے تاریخی حیثیت کے حامل ہیں۔
 

Watch Live News

 مزید خبریں 
« مزید خبریں
Post Your Comments
Select Language: