ریسلنگ کے دیوانے ہوجائیں تیار، لاہور میں پرو ریسلنگ کا میلہ آج سجے گا

19 May, 2017 چینل24
لاہور (24نیوز) ریسلنگ کے دیوانے لاہوریئے ہوجائیں تیار، الحمرا کلچرل کمپلیکس نشتر پارک میں ولائتی دنگل آج سجے گا، انٹرنیشنل ریسلنگ مقابلوں میں ولائتی پہلوان مد مقابل ہوں گے۔انٹرنینشل ریسلنگ مقابلے کیلئے 25 غیر ملکی ریسلرز کراچی میں رنگ جمانے کے بعد لاہور پہنچ گئے، فلیٹیز ہوٹل میں ریسلرز کا پرتپاک استقبال کیا گیا اور ریسلرز پاکستانی کھابوں سے بھی خوب محظوظ ہوتے رہے۔ پہلی بار لاہور میں پرو ریسلنگ انٹرٹینمنٹ کے مقابلے ہوں گے، بیس ممالک سے تعلق رکھنے والے 25 غیر ملکی ریسلرز کے درمیان بھر پور مقابلے آج شام الحمرا کلچرل کمپلیکس نشتر پارک میں ہوں گے اور ایک دوسرے کو زیر کرنے کیلئے دائو پیچ دکھائیں گے۔انتظامیہ کا کہنا ہےکہ لاہوری ان مقابلوں میں شرکت کرکے اسے کامیاب ایونٹ بنائیں گے تاکہ پاکستان میں کھیلوں کے میدان یونہی آباد رہیں، غیر ملکی ریسلرز نے پاکستان کو محفوظ ترین ملک قرار دے دیا اور دوبارہ آنے کی خواہش کا اظہار بھی کیا۔
 

Watch Live News

 مزید خبریں 
« مزید خبریں
Post Your Comments
Select Language: