بچے کی ہلاکت، نواز شریف کیخلاف بھٹو طرز پر مقدمہ کےلئے سپریم کورٹ میں درخواست

13 Aug, 2017 نوائے وقت
لاہور (وقائع نگار خصوصی) عدلیہ مخالف تقاریر اور جی ٹی روڈ ریلی کے دوران گاڑی کے نیچے آکر جاں بحق بچے کے قتل کا مقدمہ نواز شریف کیخلاف درج کرنے کیلئے سپریم کورٹ میں درخواست دائرکر دی گئی۔سپریم کورٹ رجسٹری لاہور میں شہری محمود اختر کی درخواست میں کہا گیا ہے کہ سپریم کورٹ کے پانچ رکنی بینچ میں شامل معزز ججز کو نوازشریف توہین آمیز الفاظ استعمال کرکے پکار رہے ہیں اور فیصلے پر تنقید کرنے کے بجائے سپریم کورٹ پرتنقید کررہے جو توہین عدالت کے مترادف ہے۔ نواز شریف نے نااہلی کو سازش قرار دے کر سپریم کورٹ کو سازش کا ذمہ دار ٹھہرایا ہے جو عدلیہ کی تضحیک کے مترادف ہے۔ ریلی میں موجود گاڑی کی ٹکر سے بارہ سالہ بچہ بھی جاں بحق ہوا ہے جس کے ذمہ دار نواز شریف ہیں۔ استدعا کی گئی ہے عدلیہ مخالف تقاریر پر نواز شریف کیخلاف کارروائی کی جائے اور جاں بحق بچے کے قتل کا مقدمہ نواز شریف کیخلاف درج کیا جائے جس طرح سابق وزیر اعظم ذوالفقار علی بھٹو کے خلاف درج کیا گیا تھا۔
 

Watch Live News

 مزید خبریں 
« مزید خبریں
Post Your Comments
Select Language: