فیس بک پر پھیلی اس افواہ کو حقیقت تو نہیں مان لیا؟

15 Apr, 2018 ڈان نیوز
یہ کہنا غلط نہیں ہوگا کہ فیس بک نے ہماری زندگیوں پر غلبہ پالیا ہے اور اس سے دور رہنا کروڑوں بلکہ اربوں افراد کے لیے لگ بھگ ناممکن ہوچکا ہے۔آپ کی اس سماجی رابطے کی ویب سائٹ کے حوالے سے ترجیحات جو بھی ہوں، اس حقیقت سے انکار ممکن نہیں کہ فیس بک بی ایف ایف (بیسٹ فرینڈز فار ایور کا مخفف) سے جڑے رہنے میں مدد دیتی ہے۔ تاہم فیس بک کو اس وقت کے باعث مشکل دور کا سامنا ہے اور لگتا ہے کہ اس موقع پر ایک لفظ 'BFF' نے صورتحال پر لوگوں میں موجود خدشات کا فائدہ اٹھانا شروع کردیا ہے۔گزشتہ چند ہفتوں سے فیس بک پر ایک افواہ بہت تیزی سے دنیا بھر میں اور مختلف زبانوں میں پھیلی ہے۔مزید جانیں : اس افواہ کے مطابق ' فیس بک کے سی ای او مارک زکربرگ نے ایک لفظ BFF یا بی ایف ایف ایجاد کیا ہے، اپنے فیس بک اکاﺅنٹ کے محفوظ ہونے کا یقین کرنا چاہتے ہیں تو کمنٹ میں بی ایف ایف ٹائپ کریں، اگر وہ سبز رنگ میں نظر آئے تو اس کا مطلب ہے کہ اکاﺅنٹ محفوظ ہے، اگر وہ سبز نہ ہو تو اپنا پاس ورڈ فوری طور پر بدل لیں کیونکہ ہوسکتا ہے کہ وہ کسی اور نے ہیک کرلیا ہو، اس پیغام کو ہر ایک کے ساتھ شیئر کریں'۔اسکرین شاٹلوگوں کی بہت زیادہ توجہ اور کمنٹس حاصل کرنے میں کامیاب یہ پوسٹ درحقیقت افواہ ہے۔سب سے پہلی بات یہ ہے کہ مارک زکربرگ نے بی ایف ایف نامی مخفف تشکیل نہیں دیا کیونکہ آکسفورڈ انگلش ڈکشنری کے مطابق اس لفظ کا آغاز 1996 میں ہوا۔اور اس سے بھی بڑھ کر دلچسپ بات یہ ہے کہ اس افواہ میں فیس بک کے ایک نئے فیچر 'ٹیکسٹ ڈیلائٹ' کو بہت خوبصورتی سے استعمال کیا گیا ہے جو کہ گزشتہ سال متعارف کرایا گیا تھا۔اس فیچر کے تحت چند مخصوص الفاظ کمنٹ میں لکھنے پر ان کی رنگت بدل جاتی ہے اور کسی قسم کی اینیمیشن سامنے آتی ہے۔مثال کے طور پر 'بیسٹ وشز'، 'xoxo' اور 'Congratulations وغیرہ مختلف رنگوں کے ساتھ نظر آتے ہیں اور لکھنے پر ایک اینیمیشن شو کرتے ہیں۔بی ایف ایف کو اس فہرست میں رواں سال جنوری میں شامل کیا گیا اور اس کا مطلب یہ ہے کہ جب بھی کوئی صارف کمنٹ میں اسے لکھے گا تو وہ سبز رنگ میں تبدیل ہوجائے گا اور اسی کا فائدہ افواہ پھیلانے والوں نے اٹھایا ہے۔یہ بھی دیکھیں : ویسے اگر بی ایف ایف لکھنے پر اس کا رنگ تبدیل نہ ہو تو اس کا اکاﺅنٹ سے کچھ لینا دینا نہیں بلکہ یہ ممکنہ طور پر براﺅزر سیٹنگز کی وجہ سے ہوسکتا ہے۔یعنی اگر یہ لفظ سبز رنگ میں نظر آتا بھی ہے تو اس کا مطلب یہ نہیں کہ آپ کا اکاﺅنٹ دیگر کے مقابلے میں زیادہ محفوظ ہے، کیونکہ اگر پاس ورڈ کمزور ہوگا تو وہ کبھی بھی ہیک ہوسکتا ہے۔
 

Watch Live News

 مزید خبریں 
« مزید خبریں
Post Your Comments
Select Language: