خواتین کے بارے میں نازیبا بیانات بھارتی کرکٹرز کو مہنگے پڑگئے

11 Jan, 2019 ڈان نیوز

بھارتی ٹاک شو کافی ود کرن جب بھی اپنے نئے سیزن کے ساتھ سامنے آتا ہے، ہر بار کوئی نہ کوئی نیا تنازع کھڑا ہوجاتا ہے۔

ایسا ہی کچھ اس بار بھی ہوا جب کافی ود کرن سیزن 6 کی ایک قسط میں بھارتی کرکٹرز ہاردیک پانڈیا اور کے ایل راہول 6 جنوری 2019 کو سامنے آئی قسط میں ایک ساتھ جلوہ گر ہوئے۔

اس شو کے دوران بھارتی کرکٹ ٹیم کے آل راؤنڈر کھلاڑی ہاردیک پانڈیا نے خواتین سے متعلق کئی نامناسب جملے کہے، جس کے بعد انہیں سوشل میڈیا پر صارفین کی شدید تنقید کا سامنا کرنا پڑا۔

A post shared by (@karanjohar) on Nov 9, 2018 at 3:38am PST

جبکہ ابھرتے ہوئے کرکٹر کے ایل راہول بھی ان کے ایسے جملوں پر ان کا ساتھ دیتے اور ہنستے نظر آئے، جس کے بعد انہیں بھی تنقید کا سامنا کرنا پڑا۔

اس پورے شو کے دوران ہاردیک پانڈیا خود کو ایسے پیش کرتے رہے جیسے خواتین ان پر فدا ہیں، جبکہ کرن جوہر بھی اپنے شو کی ریٹنگز بڑھانے کی خاطر دونوں کھلاڑیوں کو ایسی باتیں کرنے پر اکساتے رہے۔

A post shared by Dstrip.ae (@dstrip.dxb) on Dec 31, 2018 at 11:41pm PST

سوشل میڈیا پر شدید تنقید کے بعد ہاردیک پانڈیا نے اپنے ٹوئٹر اکاؤنٹ پر ایک بیان جاری کیا، جس کے ذریعے انہوں نے اپنے جملوں سے ناظرین کا دل دکھانے پر معافی مانگی۔

ہاردیک پاندیا کا کہنا تھا کہ ’میں ہر اس شخص سے معافی مانگتا ہوں، جسے میرے کافی ود کرن میں کہے جملوں سے تکلیف پہنچی، حقیقت یہ ہے کہ جیسا شو کافی ود کرن ہے میں اس حساب سے بات کرتا رہا، میرا ارادہ کسی کو تکلیف پہنچانے کا نہیں تھا‘۔

جبکہ کے ایل راہول نے تاحال کوئی بیان جاری نہیں کیا۔

ہاردیک پانڈیا کی معذرت کے باوجود بورڈ آف کنڑول فار کرکٹ ان انڈیا (بی سی سی آئی) نے ہاردیک پانڈیا اور کے ایل راہول کو شوکاس نوٹس بھیج دیے۔

جبکہ ایسے طلاعات ہیں کہ ان دونوں کھلاڑیوں پر دو میچز کی پابندی عائد کرنے کا فیصلہ کیا جارہا ہے۔

View this post on Instagram @hardikpandya93 shares an insight into what influenced his dynamic fashion sense. #KoffeeWithKaran #KoffeeWithHardik #KoffeeWithKLRahul #KoffeeWithCricketers @karanjohar

A post shared by Bollywood Mirchi🌶🌶🌶🌶 (@bollywood._.mirchi) on Jan 6, 2019 at 8:46am PST

بی سی سی آئی کے اعلیٰ عہدیدار نے ہندوستان ٹائمز سے بات کرتے ہوئے کہا کہ ’ہاردیک پانڈیا کی جانب سے مانگی جانے والی معافی اس معاملے کو دبا نہیں سکتی، اس سے ہی اندازہ ہوتا ہے کہ وہ خواتین کو عزت دینے جیسے بڑے معاملے کو کتنا ہلکا لے رہے ہیں، اس رویے کو قبول نہیں کیا جاسکتا، انہیں سمجھنا ہوگا کہ اس ملک میں ایک کرکٹر پر کتنی ذمہ داری ہے، بلکہ سب سے پہلے تو انہیں یہ سمجھنا ہوگا کہ کیا صحیح ہے اور کیا غلط‘۔

View this post on Instagram West Indies player Hardik Pandya in yesterday's episode said he has sex with random girls and whenever he does a girl he comes home and tells his parents and they are like 'wow' also this was KL Rahul's best performance in the past few weeks. . . . . . . . . . . . . . #koffeewithkaran #koffeewithkaranseason6 #koffeewithklrahul #koffeewithhardik #hardikpandya #hardik #pandyabrothers #klrahul #KLRahul #rahul #virat #msdhoni #msd #mahi #mahendrasinghdhoni #sachintendulkar #sachin #tendulkar #anjalitendulkar #sachintendulkarfan #viratkohli #viratians #viratanushka #kohli #teamindia #indiancricket #indvsaus #ausvind #ausvsind #indvaus

A post shared by Cricillect (@cricillect) on Jan 6, 2019 at 12:31pm PST

دوسری جانب بھارتی کرکٹ ٹیم کے کپتان ویرات کوہلی نے بھی دونوں کھلاڑیوں کے کافی ود کرن شو میں شرکت اور بیانات پر تنقید کی۔

View this post on Instagram @virat.kohli finally speaks up about the controversial statements made by Hardik Pandya and KL Rahul in Karan Johar’s talk show, ‘Koffee With Karan’ before the ODI series in Sydney. What do you think of his response? 🤔 . . 📸: Cricket Network . . . #viratkohli #cricket #hardikpandya #klrahul #koffeewithkaran

A post shared by MENSXP (@mensxpofficial) on Jan 11, 2019 at 2:04am PST

ویرات کوہلی کا میڈیا سے بات کرتے ہوئے کہنا تھا کہ ’بھارتی کرکٹ ٹیم کے لیے خواتین سے متعلق ایسے نامناسب بیانات ناقابل قبول ہیں، ہم انہیں سپورٹ نہیں کرتے، یہ دونوں کھلاڑی جانتے ہیں کہ اس کا کتنا نقصان ہوگا اور انہیں اندازہ ہوگا کہ کیا چیزیں غلط ہوئیں‘۔

اس معاملے کے بعد کافی ود کرن شو کی اس متنازع قسط کو بھی ہٹادیا گیا۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels
 
« مزید خبریں