دنیا کا پہلا ڈبل فولڈ ایبل اسمارٹ فون سامنے آگیا

23 Jan, 2019 ڈان نیوز

باضابطہ طور پر اگلے ماہ متعارف کرایا جارہا ہے مگر ایسا لگتا ہے کہ اس کا جادو چینی کمپنی شیاﺅمی نے توڑنے کا فیصلہ کرلیا ہے۔

جی ہاں یہ کمپنی 'دنیا کا پہلا ڈبل فولڈنگ فون' متعارف کرانے والی ہے۔

ویسے تو شیاﺅمی کے فولڈ ایبل فون کی پہلی جھلک رواں ماہ کے شروع میں سامنے آئی تھی جو کہ کافی دنگ کردینے والی تھی۔

مگر اب شیاﺅمی کے صدر لین بن نے اس کی تصدیق ایک مختصر ویڈیو میں کردی ہے۔

51 سیکنڈ کی یہ ویڈیو چینی سوشل میڈیا سائٹ ویبو میں پوسٹ ہوئی اور اس فولڈایبل فون کو شیاﺅمی ڈوئل فلیکس یا می فلیکس کا نام دیا گیا ہے۔

یہ فون مکمل اوپن ہونے پر ایک چوکور شکل کے ٹیبلیٹ جیسا لگتا ہے جس میں شیاﺅمی کا آپریٹنگ سسٹم موجود ہے، مگر اسے دائیں اور بائیں جانب سے موڑ کر فون کی شکل دی جاسکتی ہے۔

شیاﺅمی کے صدر نے پوسٹ میں بھی فولڈایبل فون کا اعلان کرتے ہوئے کہا 'ہم دنیا کا پہلا ڈبل فولڈنگ فون بنارہے ہیں جو کہ ٹیبلیٹ اور موبائل فون کا تجربہ فراہم کرے گا'۔

ان کا کہنا تھا کہ اگر اس فون کو کامیابی ملی تو پھر ہم مستقبل میں بڑے پیمانے پر اس کی پروڈکشن کریں گے۔

رواں ماہ کے شروع میں بھی شیاﺅمی کے اس فولڈنگ فون سے ملتے جلتے فون کی ویڈیو منظرعام پر آئی تھی جو کہ ٹوئٹر صارف ایون بلاس نے شیئر کی تھی۔

شیاﺅمی کی جانب سے پہلا فولڈایبل فون ممکنہ طور پر اگلے ماہ بارسلونا میں شیڈول موبائل ورلڈ کانگریس کے موقع پر متعارف کرایا جاسکتا ہے۔

اس کمپنی کا ایونٹ 24 فروری کو ہوگا جس میں فائیو جی اسمارٹ فون بھی پیش کیے جانے کا امکان ہے۔

خیال رہے کہ موبائل ورلڈ کانگریس کے موقع پر شیائومی اور سام سنگ کے ساتھ ساتھ متعارف کرائے جانے کا امکان ہے۔

اسی طرح ایل جی بھی ایک مختلف قسم کے فولڈ ایبل فون کو متعارف کرانے کا ارادہ رکھتی ہے۔


 
« مزید خبریں