ڈالر کے نئے ریٹ نے بڑے بڑوں کی چیخیں نکلوا دیں

16 May, 2019 روزنامہ اوصاف
کراچی (مانیٹرنگ ڈیسک )ڈالر کے نئے ریٹ نے بڑے بڑوں کی چیخیں نکلوا دیں ۔۔۔روپے کو پسپا کرتا ہوا ڈالر ملکی تاریخ کی بلند ترین سطح 147 روپے پر بند ہوا، کرنسی کی بے قدری سے شیئر بازار کے انوسیٹرز بھی تذبذب کا شکار رہے۔ آئی ایم ایف شرائط پر من و عن عملدرآمد شروع ہوگیا، روپے کی قدر میں تنزلی ہے جو رکنے کا نام نہیں لے رہی، دوران ٹریڈنگ ڈالر ملکی تاریخ کی بلند ترین سطح 148 روپے تک جا پہنچا جبکہ اختتام پر 5 روپے 60 پیسے اضافے سے 147 روپے پر بند ہوا، ڈالر کی قیمت بڑھ جانے سے ملک پر عائد واجب الاء قرضے ایک ہی روز میں 588 ارب روپے تک بڑھ گئے۔ ڈالر کے دام بڑھنے سے سٹاک مارکیٹ میں سرمایا کاروں نے محتاط رویہ اختیار کیا، دوران ٹریڈنگ 700 پوائنٹس سے زائد کی کمی بھی ریکارڈ کی گئی مگر اختتام پر مارکیٹ 320 پوائنٹس کی کمی کے بعد 33 ہزار 971 پوائنٹس کی سطح پر بند ہوئی۔

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels
 
« مزید خبریں