لاہور۔1مئی (اے پی پی):پنجاب کے وزیر برائے اقلیتی امور رمیش سنگھ اروڑہ نے عالمی یوم مزدور پر محنت کشوں کو خراجِ تحسین پیش کیا ہے۔اپنے پیغام میں انہوں نے کہا کہ صوبائی حکومت مزدور بھائیوں کی فلاح و بہبود کےلیے سرگرم عمل ہے،وزیراعلی ٰپنجاب کے وژن کے مطابق انسانیت کی خدمت پر عمل پیرا ہیں۔
انہوں نے کہا کہ مزدوروں کے خاندانوں کے مکمل تحفظ کو یقینی ،اپنا گھر اپنی چھت کے خواب کو یقینی بنانے کے لئے پالیسی بنا رہے ہیں،متعدد فلاحی سکیموں میں مزدوروں کو شامل کیا جا رہا ہے۔ان کا کہنا تھا کہ کسی بھی ملک اورقوم کی ترقی میں محنت کشوں کا کلیدی کردار ہے، مزدور ہمارا قیمتی اثاثہ ہیں۔