نعت رسول مقبول صلی اللہ تعالیٰ علیہ وآلہ وسلم

ذوق بطحا نہیں تو کچھ بھی نہیں
یہ تمنا نہیں تو کچھ بھی نہیں

جالیاں سامنے ہوں دوضے کی
یہ نظارہ نہیں تو کچھ بھی نہیں

جاں دوں جا کے ان کی چوکھٹ پر
یہ ارادہ نہیں تو کچھ بھی نہیں

داغ عشق نبی زہے نصیب
یہ نگینہ نہیں تو کچھ بھی نہیں

مال'اولاد' جان سے بڑھ کر
عشق ان کا نہیں تو کچھ بھی نہیں

یہ سمجھ لو کہ دل کی رگ رگ میں
گر مدینہ نہیں تو کچھ بھی نہیں

عشق احمد ہے حاصل کونین
گر یہ سمجھا نہیں تو کچھ بھی نہیں

میرا عالم عجیب ہے بہزاد
آنکھ والا نہیں تو تو کچھ بھی نہیں