"شاعرصحافی محقق نذیر درویش"(مرحوم)

ٹوٹ جائے گا تناسب خال و خد کا ایک دن
تو بھی تصویروں کو اپنی دیکھتا رہ جاۓ گا
‏. . . . . . . . . . . . . . . . . . . . . . . .‏
سارے لفظوں کی سیاہی بے نشاں رہ جائے گی.‏
صفحہ قرطاس پر نام خدا رہ جاۓ گا.‏
‏. . . . . . . . . . . . . . . . . . . . . . . .‏‎ ‎

نذیر درویش

نذیر درویش صاحب مرحوم

نذیر درویش صحافی محقق نقاد نثر نگار اور شاعر تھے ۔ میانوالی سے تعلق تھا آپ یکم ستمبر ۲۰۱۸ کو حرکت قلب بند ہونے سے اچانک وفات پا گئے نذیر درویش صاحب جیسی زندہ دل ،باہمت،پُر عزم ،ملنسار اور مخلص شخصیت کو مرحوم لکھنابہت عجیب لگ رہا ہے ۔ آپ بھلے چنگے تھے چار اگست کو میانوالی میں منعقدہ ادبی فنکشن میں شرکت کی ۔ آپ نے ایک کتاب بعنوان تاریخ نیازی قبیلہ لکھی ۔ آپ ۵دسمبر ۱۹۴۸میں میانوالی میں پیدا ہوۓ ۔ اس پسماندہ علاقے سے شعر وادب کیترویج کے لیے تمام عمر کوشاں رہے ۔ آپ کی زندگی ادب سے وابستہ رہی آپ بہت اچھے شاعر تھے ۔ میانوالی میں خواتین کے لیے ترقی کے مواقع بہت کم ہیں آپ نے وسعت نظری کا ثبوت دیتے ہوۓ کئی شاعرات کو پروموٹ کیا ۔ ان جیسے مخلصاور بے لوث انسان آج خال خال ہی ملتے ہیں اللہ تعالی مغفرت کرے آمین
درویش صاحب کا کچھ کلام

‏. . . . . . . . .
شاعری کوزہ گری کا نام ھے
‏. . . . . . . . .
چاک پہ رکھی غزل تو خود بخود بنتی گئی
‏. . . . . . . . .
در اصل نم شب ھے جسے کہتے ہیں شبنم
‏. . . . . . . . .
اک طرفہ تماشہ ہوئے افکار رفیقو
‏. . . . . . . . .
کس کس کو سلاست کے لبادے میں لپیٹوں
‏. . . . . . . . .
در پیش مضامیں،کا ھے انبار رفیقو
‏. . . . . . . . .
عشق اور مشک میں تفاوت ھے
‏. . . . . . . . .
اک بکھرتی ھے..ایک جلتا ھے
‏. . . . . . . . .
تھی کینوس پہ آہ کی تصویر منجمد
مچھلی تڑپ رہی تھی مگر زیر آب تھی
‏. . . . . . . . .
ترے وصال ترے التفات کے عنواں
‏ہیں نقش نقش تری بات بات کے عنواں
.................
نذیر درویش "
........نزیر درویش صاحب کی ذاتی زندگی تنہائی سے بھر پور تھی ۳۲سال قبیل اہلیہ داغ مفارقت دے گئی آپ نے قلم کے سہارے اس تنہائی کا مداواکیا اور شگفتگی کا دامن ہمیشہ تھامے رکھاوہ صرف نام کے درویش نہیں تھے حقیقتا درویش صفتانسان تھے ۔
اللہ تعالی مغفرت کرے آمین
 

Nadia Ambar Lodhi
About the Author: Nadia Ambar Lodhi Read More Articles by Nadia Ambar Lodhi: 51 Articles with 78641 viewsCurrently, no details found about the author. If you are the author of this Article, Please update or create your Profile here.