اس وقت سے ڈرنا چاہیے

 میری نظریں تین خبروں پرجمی ہوئی ہیں جنہیں پڑھ کر دل اداس اور آنکھوں میں نمی تیررہی ہے یہ خبریں حالات کے جبرکا شکار ہونے والوں کا نوحہ لھی ہیں، غم کے ماروں کا ماتم بھی۔ اورحالات کی سنگینی کااعلان بھی۔یہ موجودہ سسٹم کے لئے خطرے کی گھنٹی بھی یہ خبریں بتاتی ہیں کہ آج عام آدمی پرکیا بیت رہی ہے ان کی عکاس بھی ہیں اور ہماری اجتماعی بے حسی پر ماتم کرتی یہ خبریں کسی مہذب معاشرے میں رونماہوتیں تو شرم کے ماریحکمران اپنے ضمیر کی آوازپر مستعفی ہونے پر مجبورہوجاتے لیکن اسلام کے نام پر بننے والی مملکت ِ خدادادمیں نہ جانے ایسے کتنے واقعات ظہورپدیرہوتے ہیں اور کسی کے سر پرجوں تک نہیں رینگتی پہلی خبر اتنی بھیانک ہے پڑھنے کے بعد کئی گھنٹے نیندہی نہ آئی گلتا تھا کلیجہ پھٹ جائے گا یا زمین شق ہوجائے جہاں اس قدراستحصالی نظام میں ہم جی رہے ہیں اسے یقینا جینانہیں کہاجاسکتا کڑھنا،سسکنا،تڑپنا شایدبہترالفاظ ہوں دلخراش خبریہ ہے کہ میرپور خاص میں بچے کی میت لے جاتے ہوئے موٹرسائیکل کو حادثے کے باعث بچے کے والد اور چچا جاں بحق ہوگئے۔ ہسپتال سے بچے کی میت لے جانے کے لئے ایمبولینس دینے سے انکار پرلواحقین نے موٹرسائیکل پر میت لے جانے کا فیصلہ کیا فاصلہ زیادہ ہونے کے سبب راستے میں میت اکڑ گئی تو توازن برقرار نہ رہ سکا اور حادثہ ہوگیا جس پر مرحوم کے والد اور چچا جاں بحق ہوگئے معلوم یہ ہوا کہ سول ہسپتال میں بچے کے انتقال پر میت لے جانے کے لئے والدین نے ایمبولنس مانگی تھی ، مگر سول ہسپتال انتظامیہ نے ایمبولنس کی فراہمی سے انکار کرتے ہوئے ان سے پیسے طلب کئے بچے کے نانا کا کہنا ہے ایمبولینس کے ڈرائیور نے 25 سو روپے مانگے، ہماری جیب میں صرف 300 روپے تھے، بہت منتیں کیں لیکن ایمبولینس کا ڈرائیور نہیں مانا، جس پر میت کو موٹر سائیکل پر لے جانے کا فیصلہ کیا۔ پولیس کے مطابق واقعے پر تین مختلف تحقیقات ہو رہی ہیں۔ محکمہ صحت اور ڈپٹی کمشنر نے الگ الگ تحقیقات کاحکم دیا پاکستان میں انکوائریاں ہوتی رہتی ہیں یہ انکوائریوں کی حیثیت کیا پدی اور کیا پدی کا شوربہ جیسی ہے آپ ذراتصورکی آنکھ سے دیکھیں جس گھرمیں ایک کی جگہ تین تین لاشیں پہنچی ہوں گی اس خاندان پر کیا قیامت بیتی ہوگی وہی جانتاہے دوسری خبر جڑانوالہ کی ہے جہاں رکشے کا کرایہ نہ ہونے پر زچہ کی حالت غیر ہوگئی گھر میں ہی بچے کو جنم دیدیا چکو موڑ کی رہائشی خاتون زوجہ شفقت کے پاس زچگی کا عمل قریب آیا تو رکشے ڈرائیور کو دینے کیلئے بیس روپے بھی نہ نکلے جس پر خاتون نے اپنی غربت کے ہاتھوں مجبور ہوکر گھر کی دہلیز پر ہی بچے کو جنم دے ڈالا وہ تو بھلا ہواہل علاقہ کا جنہوں نے زچہ و بچہ کی حالت غیر ہونے پر اسے سول ہسپتال پہنچایا جہاں پر ڈاکٹرز نے سرتوڑ کوششوں کے بعد دونوں کی جان بچ گئی حکمرانوں کو یہ خبر پڑھ کر شرم تو محسوس نہیں ہوئی ہوگی آج غریبوں کی یہ حالت وے کہ ان کے پاس بچوں کی ولادت اور علاج معالجہ کے لئے بیس روپے بھی نہیں ہیں اور حکمرانوں نے اپنے لئے دولت کے انبار اکھٹے کرلئے ہیں ان کی ہوس ابھی تک ختم نہیں ہوئی تیسری خبر میں کہا گیا ہے کہ صلا ح الدین کی موت پولیس تشدد سے ہوئی، فرانزک رپورٹ میں تصدیق کردی گئی یعنی اے ٹی ایم کارڈ چور صلاح الدین کو پولیس نے روایتی تفتیش سے مارڈالا مرحوم پر تشدد کے باعث جسم کے حصوں میں خون کے لوتھڑے جمع ہوجانے ، پھیپھڑوں پر لگنے والی ضربات کے باعث سانس کی بندش ہلاکت کا باعث بنی پنجاب فرنزک سائنس ایجنسی نے اپنی رپورٹ میں موت کی تشدد سے جسم میں خون کے جمع ہوجانے والے لوتھڑے اور پھیپھڑوں پر لگنے والی ضربات ، سانس کی بندش کے باعث ہوئی ہے۔ صلاح الدین پر کئے جانے والے مبینہ پولیس تشدد پر ایس ایچ او سمیت 3 پولیس اہلکاروں کے خلاف قتل کا مقدمہ درج کیا گیا ہے جس میں تینوں ملزمان نے عدالت سے عبوری ضمانتیں حاصل کر رکھی ہیں جبکہ مقتول صلاح الدین کے والد کی جانب سے دوبارہ میڈیکل بورڈ تشکیل دینے، پوسٹ مارٹم و قبرکشائی کی بھی عدالت سے منظوری ہوچکی ہے۔ پر محکمہ صحت نے انکوائری کے بعد ایم ایس اور سول سرجن کو معطل کر دیا تینوں واقعات دل دہلادینے والے ہیں میرپورخاص میں ہسپتال کے عملہ ایمبولینس ڈرائیور اور شیخ زاید ہسپتال کے ایم ایس کو جس نے صلاح الدین کی رپورٹ میں یہ لکھا کہ وہ طبعی موت مرا ہے ان سب کو انسانی حقوق کی تذلیل کا عالمی ریوارڈدیاجائے یہ ان کا حق بنتاہے پاکستان میں بااختیارلوگوں کا عوام پر اتناظلم،اتنی بے حسی اور اس قدر بے شرمی اتنی ڈھٹائی اور عام آدمی کی اتنی بے بسی۔۔ اتنی غربت کہ وہ لقمے لقمے کو ترس ترس جائیں پھر بھی ان کیلئے کوئی مسیحا نہ ہو،دورکہیں بہت دور تلک کوئی روشنی کی کرن نہ کوئی ٹمٹماجگنو۔ حالات کے جبرکا شکار ہونے والوں کا نوحہ دیکھکر دل سے دعا نکلتی ہے اے اﷲ آج پھر غریبوں کو کسی عمرؓ کی تلاش ہے تاکہ کوئی ان کے دکھ سننے والا بھی ہو کوئی ہاڑے ،کوئی دکھڑے سننے والا بھی ہو کوئی غریبوں کے آنسو پوجھنے والا بھی ہو ہم پررحم فرما ہمیں اپنے ان حکمرانوں سے کوئی امیدنہیں ہماری دعائیں قبول فرما کوئی عمرؓ ثانی عطاکر اس کے بغیرظلمت کی یہ کالی رات ختم ہونے والی نہیں ہے ورنہ لوگ اس سسٹم ،ایسی جمہوریت اور استحصالی نظام کے خلاف ا ٹھ کھڑے ہوئے تو پھر کچھ نہیں بچے گا دریا جھوم اٹھے تو سب کچھ بہا کر لے جائیں گے کچھ باقی نہیں بچے گا اشرافیہ کو اس وقت سے ڈرنا چاہیے۔