نواز شریف کو جمہوریت کی گڑتی نہیں ہے

(Arshad Sulahri, )

تحنیک" تحنیک کا لغوی معنی ہے ’’کسی چیز کو چبا کر بچہ کے منہ میں ڈالنا‘‘ ، یہ لفظ حنک سے لیاگیاہے،حنک عربی میںتالوکوکہتے ہیں، تو تحنیک کا مطلب ہوا ’’ کھجور وغیرہ کو چباکر بچے کے تالو پر مَلنا‘‘۔

’’تحنیک‘‘ کا طریقہ یہ ہے کہ کسی نیک ،صالح ،متبع سنت بزرگ کے منہ میں چبائی ہوئی کھجوریا اس کے لعاب میں ملی ہوئی کوئی بھی میٹھی چیز مثلاً شہد یا کم از کم کوئی ایسی چیز جو آگ پر پکی ہوئی نہ ہو بچے کے منہ میں ڈال کے اس کے تالو پر مل دی جائے، تاکہ یہ لعاب اس بچے کے پیٹ میں چلا جائے اور اس طرح اس نیک بزرگ کی نیکی کے اثرات اس بچے کے اندرمنتقل ہوجائیں، حضرت عائشہ رضی اللہ عنہا ارشاد فرماتی ہیں کہ رسول اللہ ﷺ کے پاس نومولود بچوں کو لایا جاتا تو آپ ﷺ ان کے لیے برکت کی دعا فرماتے اور ان کی تحنیک فرماتے تھے، چنانچہ بچہ کی پیدائش کے بعد اس کی تحنیک کروانا حضور ﷺ کی سنت ہے، تحنیک کروانے میں حکمت یہ ہے کہ کھجور اس درخت کا پھل ہے جس درخت کو حضور ﷺ نے مؤمن کے ساتھ تشبیہ دی ہے تو گویا پیدائش کے بعد بچہ کو سب سے پہلے کھجور کھلانے میں اس بچہ کے صاحبِ ایمان ہونے کی نیک فال لینا مقصود ہے، خاص کر جب کہ تحنیک کروانے والا نیک، صالح، متبع سنت بزرگوں اور علماء میں سے کوئی ہو، کیوں کہ جب بچے کے پیٹ میں ایسے لوگوں کا لعاب پہنچے گا تو ان بزرگوں کے ایمان اور نیکی کے اثرات اس بچہ پر پڑیں گے، خود رسول اللہ ﷺ نے جب حضرت عبد اللہ ابن زبیر رضی اللہ عنہ کی تحنیک کروائی تھی تو بڑے ہوکر وہ ایسے کمالات اور فضائل کے مالک بنے جن کو شمار کرنا بھی مشکل ہے۔تحنیک کوپنجاب میں گڑتی کہتے ہیں ۔طریقہ کار وہی سنت رسول والا ہی ہے مگر یہاں کھجورکی بجائے گڑسے تحنیک کی جاتی ہے۔اس لئے پنجابی زبان میں اس کو گڑتی کا نام دیا جاتا ہے۔عمومی طور پرکسی شخص کی بری حرکتوں پر پوچھا جاتا ہے کہ اس کو گڑتی کس نے دی تھی۔کمالات کرنے والے اور قابل بندے کے بارے میں یقین کے ساتھ کہا جاتا ہے کہ اس کو گڑتی کسی اچھے انسان کی ہے۔آج کے جدید دور میں جنیٹک سائنس سے بندے کی پرکھ کرلی جاتی ہے کہ آیا زیر مطالعہ بندے میں اس امر کے جینز بھی پائے جاتے ہیں ۔ماحول ،صحبت کے اثرات بھی کمال کے ہوتے ہیں ۔لبنان کی مزاحمتی تحریک حزب اللہ کے سربراہ حسن نصراللہ بچپن میں سبزی کی دکان پرکام کرتے تھے۔دکان پر لگی قدآور تصویر چھوٹے حسن نصراللہ کی مرکزنگاہ رہتی تھی۔حسن نصراللہ نے تصویر کی پوری جانکاری لی اور من میں ٹھان لی ہے کہ ایک وقت آئے کہ حسن نصراللہ کی تصویر بھی ایسے ہی لگے گی۔لبنان کیا پوری دنیا میں حسن نصراللہ کی شہرت ہے۔قائدعوام ذوالفقار علی بھٹو کی گڑتی ہو،ماحول ہو،صحبت ہویا پھر جنز ہوں ۔اظہار کرتے ہیں۔پنجابی میں ہم کہتے ہیں کہ بَلہے دا بَلہا ناہ وی ہووے متھے پُھلی ضرور ہوندی اے۔ آج کل ہم نوازشریف پر جمہوریت کے چمپئن کا تاج سجانے کے درپے ہیں۔مگر ہم بول جاتے ہیں کہ جمدیاں سولاں دے موہنہ تکھےہوندے نیں۔نوازشریف کی سیاسی زندگی ڈھکی چھپی نہیں ہے۔سب جانتے ہیں ۔ان کو سیاسی گڑتی کس نے دی ہے۔نوازشریف کے جینز میں نہ سیاست ہے اور نہ جمہوریت ہے۔جمہوری ماحول میں رہے اور نہ جمہوری صحبت کبھی انہیں راس آئی ہے۔جیسے حادثاتی طور سیاست میں آئے تھے۔آج حادثات،حالات اور مشکلات نے انہیں جمہوری بھی بنادیا ہے۔پاکستان کی بانجھ سیاست میں اور کوئی نہیں ہے تو نواز شریف ہے۔

 

Comments Print Article Print
 PREVIOUS
NEXT 
About the Author: Arshad Sulahri

Read More Articles by Arshad Sulahri: 137 Articles with 46979 views »
I am Human Rights Activist ,writer,Journalist , columnist ,unionist ,Songwriter .Author .. View More
26 Oct, 2019 Views: 281

Comments

آپ کی رائے