قومی سلامتی اور غیر سیاسی عدلیہ
(M. Furqan Hanif, Karachi)
ایک متحرک آئینی نظام عدل ملک عزیز کی بقا و سلامتی کے لئے نہایت ضروری ہے، کیونکہ یہ عدلیہ کو اپنے اصولوں کے مطابق کام کرنے اور عوام کو انصاف دینے کی توانائی فراہم کرتی ہے۔ غیر جانبدار عدالتی فیصلوں میں تناسب قائم رکھنا، قانون کی حفاظت کرنا اور قوم کے اعتماد کو مضبوط بنانا اشد ضروری ہے۔ |
|
|
غیر سیاسی عدلیہ |
|
ہر مملکت میں قومی حفاظت کی بناوٹ اہمیت کی حامل ہوتی ہے۔ جبکہ قومی حفاظت کے بارے میں باتیں عموماً فوجی، انٹیلیجنس، اور قانون نافذ کرنے والے اداروں کے حوالے سے ہوتی ہیں، ایک غیر سیاسی عدلیہ کا کردار نظرانداز نہیں کیا جانا چاہیے۔ ایک غیر سیاسی عدلیہ، جو آزادی سے اور غیر جانبداری سے اپنا اہم ترین کام یعنی انصاف کی فراہمی کو مسلسل یقینی بناتی ہے، قانون کی حکمرانی قائم رکھنے، ، شہری حقوق کی حفاظت کرنے اور قومی حفاظت کو محفوظ رکھنے میں اہم کردار ادا کرتی ہے۔
ایک آزاد عدلیہ ہر قسم کی ناانصافی پر نظر رکھتی ہے اور ہر طور پر تشدد یا زیادتی کے ایسے واقعات کی روک تھام کرتی ہے جو قومی حفاظت کو خطرہ میں ڈال سکتی ہے۔ یہ یقینی بناتی ہے کہ حکومتی اعمال ، خصوصاً حفاظتی تدابیر سے متعلق ، آئینی حقوق اور قانونی اصولوں کے مطابق ہوتے ہیں۔ عدلیہ اپنے آئینی اختیارات کے ذریعے ، حکومتی اعمال کی قانونیت اور تناسب کی تشریع کرتی ہے ، اور کسی بھی طور پر اپنے اختیارات کو غیر آئینی ہونے کے کسی بھی شائبے کا بچانے کا عمل جاری رکھتی ہے تاکہ قومی مفادات کا تحفظ کیا جاسکے
ایک بے مثال نظام عدل کے زریعے عوامی اعتماد میں خاطر خواہ اضافہ ہوتا ہے جو یقینا قومی مفادات کے لئے بہترین ہوتا ہے۔ جب ملک کے شہری کو نظام عدل پر اعتماد ہوتا ہے کہ عدلیہ بلاتفریق رنگ و نسل، زبان، مال و دولت، انصاف کا پرچم سربلند رکھے گی تو عوام الناس بھی اپنے طور پر اپنے انفرادی و اجتماعی فرائض کی بجاآوری صحیح طریقے سے انجام دیتے رہیں گے۔ عدلیہ کا اہم کام ہوتا ہے کہ تنازعات کے حل کے لئے انصاف کے اصولوں پر کاربند رہتے ہوئے رنجشوں، جھگڑوں، اختلافات کے قانونی فیصلے دے جس سے معاشرتی ہم آہنگی، امن و استحکام اور قومی ترقی ممکن ہوسکے۔
غیر جانبدار اور کلی طور پر غیر سیاسی نظام عدل میں قومی حفاظت کے لازمی ادارے اپنے اپنے دائرہ کار میں رہتے ہوئے جواب دہی اور شفافیت کا مکمل خیال رکھتے ہیں، ایسی غیر جانبدار عدلیہ افراد اور اداروں کو ایک ایسا پلیٹ فارم مہیا کرتی ہے کہ تمام فریقین کو یقین ہوتا ہے کہ ان کے حقوق کا مکمل تحفظ کیا جائے گا۔ چنانچہ غیر سیاسی عدلیہ نظام عدل کی بنیادوں کی حفاظت کرتی اور حکومت کے دیگر ستونوں کے درمیان ورکنگ ریلیشن میں سہولت فراہم کرتی ہے، اس طرح اداروں کے ساتھ ساتھ عوام کے انفرادی اعتماد کو بھی فروغ ملتا ہے۔
کسی بھی قسم کی سیاسی بیماری سے پاک نظام عدل ہی ملک و قوم کی ترقی اور خوشحالی کے لئے اشد ضروری ہے۔ یقینا قومی حفاظت کا تحفظ انتہائی سے زیادہ ضروری ہے جس کے زریعے یہ بات یقینی ہے کہ حکومتی اقدامات مکمل طور پر قانون کے دائرے میں رہیں، شہری حقوق کی حفاظت رہے اور انصاف کے زریں اصولوں کے زریعے شفافیت کو فروغ حاصل ہو جس کا نتیجہ لازمی طور پر اندرونی اور بیرونی طور پر استحکام اور ترقی کی صورت میں سامنے آتا ہے۔
کاش ہمارے ملک میں نظام عدل اس قدر طاقتور اور باوقار ہوجائے کہ عوام الناس اور قومی سلامتی میں قابل فخر کردار ادا کرسکے۔ |