Dharna Hukumat K Khilaf Ya Jhumooriyat K Khilaf
Aj kal har Akhbar aur har News
Chanel par sirf Dhrne ki bat ki ja rahi hay, Ye Dharna Wukla Brothery ki taraf
se Ailan kiya gaya hay lekin ab tak is dharne ko, Imran Khan, Kazi Hussain
Ahmed, Mehmood Khan Achakzai Aur Ab Miyan Nawaz Shareef Saheb ki Mukamal himayat
hasil hay. Ye Dharna Ba Zahir to Chaudry Iftikhar (Saked CJ) ki Bahali ke liye
diya jar aha hay lekin pas parda is main kuch aur awamil shamil hain. Asal Mein
Start mein Ye Tehreek Khalistan Wukla ki taraf se huwee thi aur is mein civil
society bhi shamil hoti thi lekin ab ye mukamal taur pe ye ab siyasi ho gayee
hay, ab Wukla ke leader ba qaida taur pe siyasi parties se madad ki appeal bhi
karte hain. Wukla ko patta tak nahi ke un ki tehreek hi-jack ho chuki hay aur
apne azym hasil karne ki koshish ki ja rahi hay. Ye is baat se sabit kiya ja
sakta hay ke CJ (Saked) ka Taluk Balochistan se hay lekin Tehreek ka Mehwar
Punjab Hay. Miyan Saheb to wo kar rahey hain jo un ko karma chahiye un ko koi
sarokar nahi ke CJ restore hota hay ya nahi wo apni Siyasi Dukan ka image barha
rahey hain. Miyan Sb ke Past ka zikar agar na kiya jaey to bat samajh mein nahi
ayegi, Miyan Saheb Ek Sanatkaar Hain Siyasat mein un ko Asia Ke Model Dectator
General Zia ne Introduce karwaya aur 1982 mein un ko Punjab ka Wazeer-e-Khazana
Banwaya aur 1985 mein wo Chief minister Punjab Ban Gaey aur Ek Dectator ke saath
kam kiya 1988 mein Dobara CM Punjab bane aur 1990 mein Mulk ke Prime Minister
bane 1997 mein dobara PM bane aur 1999 mein un ki Hukumat khatam kar di gayee
lekin is aakhri daur mein miyan sahib ne kuch aise karname anjam diye jin ka
zikar karna zaroori samjhoon ga, sab se pehle unhoon ne 13th ammentment kar di
aur kul ke malik huwey, Aitomic dhamake kiye ye do bare positive cheezen thi
lekin, un ka Supreme court pe hamla karwana, SIND Govt, ko suspend karna
President, se Halat ko kasheeda Karna , Supreme court ke chief justice se
bigarna, Army Chief se ikhtilaf waghera waghaira.
Ab agar un ke sarey introduction ke baad un ka Musharaf ke khilaf hona, jab wo
khud ek General ke supporter rahey hain, Adliya ke ehtram aur Azadi ki bat karna
jab ke wo khud Supreme court pe hamla karwa chukka hain, Punjab Hukumat ke
Mandet ki baat karna jab wo khud Sind ki Hukumat ke saath aisa kar chuke hain,
Zardari ko agreement ka tana dena jab ke wo khud apne agreement se mukar gaye
the Ye sab us ki siyasat ko sabit karne ke liye kafi hay. Lekin hamarey aj ke
journalist hazrat jo ek envelop ke liye kuch bhi sabit kar dete hain wo daleel
dete hain ke CJ ne pehle PCO pe halaf liya tha baad mein inkar kar diya to
pichley paap dhul gaye hain, aur Miyan sahib ne hi ab jo stand liya hay us se un
ke pichle paap bhi dhul chuke hain, agar ye paap nahi dhul sakte to sirf Asif
Zardari ke nahi dhul saktey kiyoon ke Zardari sahib us party se taluk rakhtey
hain jis ko kabhi bhi Establishment ba shamool Media ne kabhi bhi sahi nahi
samjha, Mohtarma BB Shaheed ne Democracy ke liye apni jaan de di, Musharaf se
wordi utarwai, democracy ke liye apni jaan ka nazrana diya aur Zardari ne bikhri
aur bhipri qaum ko samet kar yakja kiya General se is qaum ki jan churai lekin
un ke paap nahi dhul saktey aisa hi sochna hay hamari azad media ka.
Hamari media ke bare mein kuch na likhna ziyadti hogi, Bari development huwee
hay media mein ek Admi se na insaafi huwee to poora media yak zaban huwa Farah
dogar jis ko koi nahi janta tha us ko itna famous kar diya, lekin IRO-2002 jaisa
Kala kanoon jo Musharaf ne Labour aur employees ke khilaf lagaya tha, PPP ki
Govt ne jab ye bill khatam karwaya to Nawaz League ne us ki mukhalfit ki, aisa
kanoon jis se 3 crore mehnat kashoon ko khushi naseeb huwee lekin hamari media
ne ek khabar tak nahi di, sone pe suhaga keh len ke 7700 employees ko restore
kiya to Maroof TV chanel ne Ek Ghante ka poora program kiya ke ye ghalat huwa
hay.
Ab atey hain asal subject pe, ooper diye huwey sari baton se ye andaza lagana
mushkil nahi ke PPP ki Govt. ke liyey churiyan tez ki ja rahi hain, asal mein ye
Long March aur dharna Hukumat ke khilaf nahi balke Jhumooriyat ke khilaf hay,
kiyoon ke Arbab-e-Akhtiyar is waqt koi interception ke mode mein nahi hay aur
President apni assembly nahi desolve Karen ge aur yaqeenan halaat itne kharab
honge ke wahi purana formula fit aye ga na ham aur na tum, aur koi teesra pir
hoga iqtedar mein Zardari hoga Jail mein aur Miyan Saheb honge Jehaaz mein. Aur
is qaum ko jo pehle hi mehengai aur bad amni mein ghiri huwee hai ek aur 10
years ek dictator ke bardasht karne honge. Is sab se bachne ke liye dono bari
parties ko mil baith kar koi acha solution nikalna chahiye jo dono ke liye
qabil-e-qabool ho. Isi tareeqe se is qaum ko aane wali museebat se door rakha ja
sakta hay.