Salim, Furqan Aur A.Razaq K Naam

Salimullah Shaikh, Furqan Aur A.Razaq K Naam

Dear Friends.

Shayed Ap Log Mujhey Jantey Hon, Mein Pichley Ek Maheena Se Is Forum Pe Apne Khayalat Likh Raha Hoon. Waise Mein Hyderabad Se Belong Karta Hoon, Aur Politically Mein Ek Communist Nazriya Rakhta Hoon, Lekin Qadeem Marksisom Se Kuch Ikhtilaf Bhi Rakhta Hoon, Lekin Secularisim Mera Khulasa Hay. Mein Kafi Forums Mein Likhta Raha Hoon, Sindhi News Papers Mein Columns Bhi Likh Diya Karta Hoon. Orkut Mera Last Forum Tha, Lekin Waha Doston Se Thori An, Ban Ho Gayee Ab Mein Is Forum Pe Apna Shauq Poora Karta Hoon.

Ab Bat Matlab Ki Karoon Ga. Jinab Bari Hairat Hoti Hay Ap Logo Ki Bat Sun Kar. Ham Ne Is Forum Ko Siyasi Bana Diya Hay. Abdul Razaque Saheb Ne To Mere Do Columns Pe Bhi Comments Diyey They Ke Mein PPP Ko Favour Karta Hoon. Is Mein Kuch Had Tak Sachai Bhi Hay. Kiyoon Ke PPP Ek Secular Jamait Hay Lekin Mein Aj Asif Ali Zardari Se Ikhtilaf Rakhta Hoon. Lekin Halat Bilkul Waise Bhi Nahi Hain Jaise Ham Aj Kal Likh Rahey Hain. Furqan Saheb MQM Bhi Ek Jamait Hay, Us Ka Apna Mandet Hay, Us Ka Apna Manshoor Hay. Aur Usi Tarah PML-N Bhi Ek Jamait Hai Us Ka Apna Manshoor Hai. Lekin Mujhey Aitraz Ye Hay Ke Agar Ham Log Sache Dil Se Ghair Janibdarana Rawaya Rakhein Ge To Is Forum Ko Ham Log Bahut Kamiyab Bana Saktey Hain. Lekin Aj Forum Pe Aya To Bara Dukh Huwa Ke Salimullah Shaikh Sb. Jo Bahut Acha Likhtey Hain, Main Un Ki Writtings Barey Shauq Se Parhta Hoon, Lekin Aj Unhoon Ne Bhi Is Forum Ka Ghalat Use Kiya. Ham Sab Log Aakhir Ek Doosrey Ko Mukhatib Karney Ke Liyey Ek Naya Topic Start Kar Dete Hain Jis Se Is Forum Ki Khoobsoorti Kharab Hoti Hay. Agar Ham Ek Doosre Ke Columns Pe Comments De Saktey Hain Aur Ek Doosre Ko Jawabat Bhi De Saktey Hain. To Pir Har Roz Ham Ek New Topic Is Ke Nam Ya Us Ke Nam. Ye Sahi Tareeqa Nahi Hay.

Aakhir Mein Sab Doston Ko Request Karoon Ga K Ek Doosre Par Ham Keechar Uchalne Ke Liye New Topic Use Na Karein. Agar Koi Sach Mein Koi Islah Karni Hay To Ham Same Topic Ko Comments Karien Aur Same Par Jawabat Bhi Diyey Ja Saktey Hain. Aur Aakhir Mein Mein Khud Bhi Ap Se Muazrat Chahoon Ga Ke Maine Khud Bhi Ap Logo Ko Mutwaja Karne Ke Liyey Ap Logo Wala Formula Use Kiya Hay.

Friends Ye Forum Hamara Ghar Hay. Is Ko Saaf Rakhna Hamari Zimewari Hay. Jab Hamara Ghar Saaf Nahi Hoga To Yaqeen Karo Koi Bhi Is Forum Par Akar Hamare Articles Nahi Parhey Ga. Aur Ham Khud Likhen Gey Aur Khud Parhen Ge. Is Liyey Tamam Doston Ko Guzarish Hay Ke Janibdari Ka Muzahira Na Karien. Aur Koshish Karien Ke Ham Acha Likhein. Ham Acha Likh Saktey Hain, Lekin Agar Jo Practice Ham Ne Shuroo Ki Hay. Is Se Mujhey To Kam Se Kam Aj Na Umeedi Ho Rahi Hay Ke Shayed Mujhey Pir Koi Naya Forum Talash Karna Hoga.

Ap Sab Se Achai Ki Umeed Karta Hoon Is Umeed Ke Saath Ke Aj Ke Baad Ham Log Ek Doosre Ko Mujkhatib Karne Ke Liyey New Topic Nahi Create Karerin Ge Aur Neutral Tajziya Daleelon Ke Sath Den Gey.

Wa Salam

Atiq Laghari.