Awaam Bewakoof Hain

Ek Shehar Main Ek Jadoogar Ka Raaj Tha Woh Jhoote Jadoo Kar K Awaam Ko Bewakoof Banata Or Awaam Us K Jadoo Ko Karishmay Samajh Kar Usay Poojti Or Apna Sab Kuch Tann Mann Dhann Is Pe Nichawar Karti Thi Bohat Arsay Tak Us Nay Awaam Ko Isi Tarah Bewakoof Banaya Phir Ek Din Is Se Bara Jadoogar Usi Shehar Main Aaya Jo Is Se Bara Jadoo Karne Laga Ab Awaam Us Ko Khuda Samajh Kar Usay Poojne Lagi Isi Tarah Is Shehar Ka Maamla Chalta Raha Chand Jadoogar Tolon Ne Awaam Ki Nafsiyat Samajh Lee Or Nasal Darr Nasal Awaam Ko Bewakoof Banane Main Mashgool Rahe Jadoogar Jab Boorha Ho Jaata To Apne Betay Ko Awaam Ki Nafsiyat Samjha Kar Or Jadoo Sikha Kar Agay Kar Deta Awaam Isay Khuda Samajh Jaati Isi Tarah Silsila Chalta Rehta.

Agar Hum Is Kahani Ko Pakistani Leaders Or Awaam Se Tashbeeh Den To Galat Nahi Hoga. Pakistan Main B Kuch Isi Tarah Ka Silsila Pichle 65 Barson Se Chalta Aaraha Hai. Kuch Makhsoos Khandani Tolon Ne Pakistan Or Pakistani Awaam Ki Nafsiyat Samajh Li Hai, Zulfiqar Bhutto K Baad Benazeer Ab Bilawal, Nawaz Or Shahbaz K Baad Hamza Or Marium, Chaudry Biradran K Bad Monis Ilahi Or Mufti Mehmood K Baad Molana Fazal Ur Rehman Or Us K Baad Mujhe Yaqeen Hai Is Ka Beta Ayega. Yeh Silsila Chalta Rahega Nasal Darr Nasal Q K Yeh Log Pakistani Awaam Ki Nafsiyat Pehchan Gaye Hain Yeh Jaan Gaye Hain K In K Saath Topi Drame Karo Yeh Khush Hogi Or Aap Pakistan Main Raaj Karoge In Ko Pata Hai K Pakistan Main Isi Tarah Arab Wa Kharab Patti Bana Jaa Sakta Hai. Mujhe Yaqeen Hai K In Ki Anay Wali Nasal In Se B Bari Chor Or Thagg Hogi Yeh Log Computerized Or Parhe Likhe Chor Honge Jo Ek Click Ya Enter Per Arbon Rupees Ka Ghapla Kardenge Or Kisi Ko Pata B Nahi Chalega. In Logon Ko Bharpoor Training Di Ja Chuki Hogi Or Bus Yeh Nasal Be Sabri Se Apni Baari Ka Intazar Kar Rahi Hogi Or Yeh Awaam Bewakoofon Ki Tarah In K Baap Daadaon Ki Wajah Se In Se Aqeedat B Rakhenge, In Ki Izzat B Karenge Or In K Khilaf Bolne Walon Ko Gaali Galoch Or Bura Bhala B Kahenge, Darr Haqeeqat In Ka Qasoor Nahi Awaam Ka Qasoor Hai.

Mujhe Yaqeen Hai Aaj B Yeh Log Apne Baray Baray Shahi Mehlon K Baray Baray Kamron Main Beth Kar Hanstay Honge Hath Main Bear Or Cig Le Kar Apass Main Baaten Karte Honge Or Keh Kahay Maarte Honge K Waqai “Awaam Bewakoof Hain”.