Angoor Khatey Hain
(Nadeem Abbas Jafri, karachi)
Asalam Alaikum Pakistan!
Media,Newspapers,Private Chennal's nau maulood hakumat se 200% pur umeed hain k
ab asli jamhuri hakumat qayem ho gaii hai aur ab awam k masayel zaroor hal
hongay(Allah Kare Aisa Ho) mera un tajzia nigar mahireen se sawal hai k kya is
se qabal PPP (1988-1990) PML(N) (1990-1993) PPP (1993-1996)PML(N) (1997-1999) k
daur-e-hakumat ghair jamhuri they? 2008 main takmeel paney wali Govt main yehi 2
Parties pehle 2 2 baar hakumat main rahin thien us waqt Awami Masayel hal karne
se inko kisne rok rakha tha? ya ab Alladin ka Tilismi Chiragh inke hath lag gaya
hai jiski madad se ab awami masayel hal hongay? hum ba haisiyat pakistani sirf
us surat main isey sach maan lain gay jab.
(1) Aman-o-Amaan ki surat-e-haal behtar hogi aur har fard khud ko mehfooz
Tasawar kare ga.
(2) Load sheding ki musibat se mustaqil nijaat miley gi woh bhi bina kisi izafi
charges k.
(3) Sarkari naukri sirf merrit ki buniyad per bina kisi sifarish aur khufia fees
wasool kiye di jayen gi.
(4) Sarkari School's ka meyaar-e-taleem high standerd school k masawi hoga.
(5) Tamaam Sarkari Idarey apni zimadari se kaam karen gay aur awam k waqt ka
ziyaan nahi kiya jaye ga.
(6) Ek aam fard ki shikayat ka azaala foran kiya jaye ga.
(7) Police apne farz ko haqiqat main anjaam dene lagey aur ek aam fard ki
shikayat per foran action liya jaye chahe woh kisi bare police officer k khilaf
hi kyun na ho.
(8) Price Control aur Food Inspectors bare se bare Stores aur chotey se chotey
shop keeper se baaz purs karen aur kisi tara ki haira pheri sabit honey per
sakht action liye jaye.
(9) Aise kisi sarkari officer ko jo apne farz se ghafil paya jaye usey foran
suspend kar k ussi post k liye Notification k zariye doosre pakistani ko namzad
kiya jaye.
(10) foot path per beth kar rozi kamane waley afraad ko munasib jaga muhaiya ki
jaye taake awam ki guzar gaah main khalal waqeh na ho.
(11) Tamam Masalik ek doosre k mazhabi jazbat ka ehtram karen aur is per sakhti
se amal karwaya jaye.
KASH AISA HO JAAYE,,,Warna Haqiqat Main AWAMI INQUILAB Aaney Se Koi Nahi Rok
Paye Ga,,,ALLAH HAMARI UMEEDON KO PURA KARE (Ilahi Aameen)