Phir Sawan Rut Ki Baat Chali

Asalam Alaikum!Meri Ek Aur Khowahish Ek Aur Colum Apne Qayireen Ki Nazar Hai. Election 2008 K Baad Watan-E-Aziz Main Ek Khushgawaar Siyasi Tabdili Runuma Hui Hai Pakistan Ki Kuch Political Parties Aur Group Apni Purani Ranjishon Ko Bhula Kar Bahimi Ulfat-O-Wafadari Nibhane K Ahed-O-Paiman Kar Rahe Hain.Yeh Ek Achi Baat Hai Aur Aisa Siyasi Mahol Bohat Pehle Paida Ho Jana Chahiye Tha Lekin Dair Aamad Darust Aamad K Misdaq Is Bohat Ahem Tabdili Ka FAIDA Ek Aam Pakistani K Liye Kitna Mufeed Sabit Hoga Aur Iska Daur-E-Tawalat Kahan Tak Muheet Rahe Ga Yeh Faisla Aaney Wala Waqt Hi Kar Sakta Hai.Main Yeh Kehna Chahta Hoon K Aise Masayel Jo Ghreeb Tabqey Ko Mustaqil Pareshan Kiye Huye Hain Unka Koi Aisa Sidebaab Talash Karna Sabse Ahem Kaamyabi Tassawar Hogi.Unka Hal Aisa Hona Chahiye K Woh Ek Qanoon Ki Shakal Ikhtiyar Karle Taake Baad Main Aaney Wali Koi Bhi Hakumat Us Main Tabdili Na Kar Sakey Aur Ghreeb Awam Is Baat Se Be Khabar Rehte Huye K Hamare Hukamraan Kis Policey Per Amal Pera Hain Sirf Apne Liye Sakoon Ka Hasool Mumkin Banaye Rakhen Allah Hamara Haami-O-Nasir Rahey Pakistan Zindabad