Vote K Liye Mazhabi Naarey
(Nadeem Abbas Jafri, Karachi)
Asalam Alaikum ! hamare mulk main ek rasm to
bohat purani thi ke islami nizam nafiz karne ke agenda per vote mangey jatey
they lekin guzishta chand election's main ek aur baat bhi samne aayi hai ke ab
kuch siyasi parties kisi makhsoos maktaba-e-fikar ki himayat hasil karne ke liye
unke aqeedey ki baat ko siyasi naara bana letey hain jahan yeh amal un
ibn-ul-waqt siyasi shatiron ke liye gunah ka sabab ban raha hai wahin hairat is
baat per bhi hai ke woh maktaba-e-fikar un per aitraz nahi karta jabke woh
jantey hain ke yeh naara lagane wala khud is maktaba-e-fikar se taaluk nahi
rakhta aur sirf siyasi himayat haasil karne ke liye aisa kaam anjam de raha
hai.pakistan main maslaki ikhtalaf hona koi nayi baat nahi lekin isey siyasi
zaroorat ke liye istamaal karna qabil-e-muzamat zaroor hai aur yeh aaney waley
kisi daur main mulk main aman-o-amaan ki bigarti surat-e-haal ko mazeed bigaarne
ka sabab ban sakta hai lehaza hamara fariza hai ke hum is qabih amal per ghor
karen aur iske karne walon ki kadi baaz purs ki jaaye ALLAH HAMARA HAMI-O-NASIR
HO Pakistan Zindabad