بی جے پی ‘370اوروادی کشمیر

(Sami Ullah, Mianwali)

انگریز سرکارنے ریاست جموں وکشمیرکو تو ڈوگرہ راجہ کے ہاتھوں 75لاکھ کا بیچ دیامگر کشمیری آج بھی زندہ ہے اور اپنی مظلومیت کا ثبوت بھی بارہادے چکا۔ریاست کے موجودہ الیکشن میں بی جے پی نے دولت بھی لٹائی اور سنہرے خوابوں کا ابناربھی لگایا لیکن شاید کشمیری گجرات کے فسادات نہیں بھول پائے ۔بھارتی جنتاپارٹی کے پیچھے کارفرما سخت گیر آرایس ایس اور گجرات کے فسادات ایسی تصاویر ہیں جو اقلیتوں کے دلوں پر ضرب لگاکر انہیں جگاتی رہتی ہیں۔وادی اورلداح میں بی جے پی کوئی نشست حاصل نہیں کرپائی جب کہ اس کا منصوبہ سادہ اکثریت حاصل کر کے مسلم پرسنل لاء 370کو تبدیل کر کے مسلم اکثریت پر کاری ضرب لگانے کا تھا‘جسے ریاست کے غیور عوام نے ناکام بنا دیا۔

مفتی سعید اور انکی لخت جگر محبوبہ مفتی کی جماعت نے بی جے پی مخالف ووٹ کو کیش کروایااور ریاست میں 28نشستیں حاصل کرنے میں کامیاب رہی۔12نشستوں پر کانگریس نے قبضہ جمایا۔باقی عمر عبداﷲ کی نیشنل کانفرنس ‘پیپلزکانفرنس اورآزاد اُمیدوار لے اُڑے۔

ریاست میں اسوقت اضطراب پایاجاتاہے اور ہرجماعت آزاد امیدواروں کی حمایت حاصل کرنے کا دعوی بھی کررہی ہے ۔ آج یکم جنوری کو بھاجپااور پی ڈی پی کے اتحاد کی خبریں سن کر سرینگر کے لوگوں نے اپنااحتجاج بھی ریکارڈ کروایا۔وہ مفتی سعید ہوش میں آؤ اور بی جے پی کو مسلم دشمن قرار دیتے رہے۔جبکہ دوسری جانب پی ڈی پی کے کامیاب امیدواران کی کچھ تعداد کا یہ کہنا ہے کہ اگر جماعت حزب اختلاف میں رہی تو پارٹی کو ناقابل تلافی نقصان پہنچنے کا خدشہ ہے اسکے ساتھ ساتھ انکا یہ بھی موقف ہے کہ اگر پارٹی نے کانگریس کے ساتھ اتحاد کیا تو پھر بی جے پی مرکز سے فنڈ میں روڑے اٹکائے گی جس سے ریاست کے لوگ متاثر ہونگے اور سیلاب زدگان تنہارہ جائیں گے۔پیپلز کانفرنس کے سجا د غنی لون نے بھی پی ڈی پی اور بی جے پی کو اتحاد کی صورت میں تعاون کا یقین دلایاہے۔اور اسے ریاست کیلئے فائدہ مند قراردیتے ہوئے یہ بھی کہا ہے کہ حزب اختلاف میں بھی خوشی سے بیٹھیں گے۔آج بروزمنگل بی جے پی کے ریاستی صدر جگل کشور شرما اورپارٹی کے جنرل سیکرٹری رام مادھونے ریاستی گورنر این این ووہرا سے ملاقات کے بعد کہا کہ کل یکم جنوری کو گورنر سے ملاقات کے بعد حکومت سازی کیلئے اہم اعلان ہو گا۔ ان کے عزائم کانگریس کی گرینڈ الائنس کی خوہش کو خاک میں ملانے کے ہیں۔آج پی ڈی پی کی صدر محبوبہ مفتی کی بھی گورنر سے ملاقات ہوناہے۔

اسوقت اصل گیم پی ڈی پی کے ہاتھ میں ہے جو بی جے پی مخالف ووٹ لے کر اقتدار میں آئی ہے۔لیکن اقتدار ایک ایسادسترخوان ہے کہ جس کے سجنے کے بعد اپنے پرائے کی تمیز کم ہی لوگوں کو رہ جاتی ہے۔اب دیکھنا یہ ہے کہ پی ڈی پی اگر بی جے پی کے ساتھ اتحاد کرتی ہے تو کن شرائط پر ؟370دفعہ کی حفاظت اور اپنے سیکولر امیج کو قائم رکھتے ہوئے بی جے پی کے ساتھ اتحاد دودھاری تلوار پر چلنے کے مترادف ہے۔یہ تو مان لیا کہ 44کا ہندسہ نہ ملنے کی وجہ سے بی جے پی پورے ٹینور میں وزیراعلی کا خواب نہیں دیکھ سکتی لیکن اگر بی جے پی یہ شرط جیتنے میں کامیاب ہو جاتی ہے کہ نصف مدت کیلئے اسکا وزیر اعلی ہوگاتو یہ پی ڈی پی کے مستقبل اور ریاست کی اقلیتوں کیلئے خطرے کی گھنٹی ہے اور ہمارے خیال میں یہ بی جے پی کی سیاسی جیت اور پی ڈی پی کی ملی غیرت کی موت ہوگی اور اُمید بھی یہی ہے کہ شرائط کچھ بھی ہوں پی ڈی پی اور بی جے پی کااتحاد ہی ہوگا(واﷲ عالم)۔رہے ریاست کے عوام تو عوام بے چاری تو بس کبھی سیاسی نعرے کی غلامی کرتی ہے کبھی مذہبی نعرے کی ‘اسکے مقدرمیں خوشحالی کم ہی آئی ہے۔الیکشن کا ضابطہ اخلاق ختم ہونے کے باوجود اسوقت انتظامیہ تقریبا جام ہے۔ سیلاب زدگان بے آسراہیں۔

کل جماعتی حریت کانفرنس نے الیکشن کا مکمل بائیکاٹ کیا۔بی جے پی مرکز میں حکومت ہونے کے باوجود ریاست جمو ں وکشمیر کی راجیاسبھامیں محض پچیس نشستیں جیت سکی۔یہ باتیں اس بات کا کھلا ثبوت ہیں کہ کشمیر کا حل استصواب رائے ہے۔ریاست کی اکثریت اس نعرے کو رد کرچکی جو کہ بی جے پی نے الیکشن میں لگایا تھا کہ وہ ریاست کے آئین کی دفعہ 370کو ختم کرکے کشمیر کو اٹوٹ انگ بنالے گی۔اس پر بی جے پی کو بھی سوچناچاہیئے کہ وہ کثیر مذہبی ‘لسانی وکثیر قومی ملک کی جماعت ہوتے ہوئے کسی ایک پلڑے میں وزن ڈالناچھوڑ دے اوراپنے ملک کی بہتری کیلئے سب کو ساتھ لے کرچلے۔ حق دار کو اسکاحق دے وگرنہ تاریخ گواہ ہے جہاں ظلم ہو اس ملک کی سرحدیں ٹوٹ جایاکرتی ہیں۔

< PREVIOUS اسلامی دنیا اور غیر مسلم طاقتیں NEXT > پاکستان تا قیامت قائم و دائم رہے گا

Comments

02 Jan, 2015

About the Author: sami ullah khan Read More Articles by sami ullah khan: 155 Articles with 199143 views Currently, no details found about the author. If you are the author of this Article, Please update or create your Profile here.

Add Your Article

Article Categories

Politics سیاست Society & Culture معاشرہ اور ثقافت Religion مذہب Other/Miscellaneous متفرق Literature & Humor ادب و مزاح Education تعلیم Health صحت Famous Personalities مشہور شخصیات Science & Technology سائنس / ٹیکنالوجی Novel افسانہ Sports کھیل True Stories سچی کہانیاں Books Intro تعارفِ کتب Travel & Tourism سیر و سیاحت Career کیریر Entertainment انٹرٹینمنٹ Kids Corner بچوں کی دنیا Poetry شعر و شاعری 100 Lafzon Ke Kahani سو لفظوں کی کہانی Young Writers نوجوان قلم کار Arts ہنر Military Democracy سول فوجی جمہوریت Hamariweb Writers Club ہماری ویب رائٹرز کلب

Recent Politics Articles

چین کی ترقی ، ایک اہم عالمی محرک

بلوچستان کی جغرافیائی اہمیت اور عالمی سازشیں

جدت طرازی پر مبنی اعلیٰ معیار کی ترقی اور عالمی تعاون

چین اور آسیان ممالک کے درمیان ڈیجیٹل تعاون

View all Politics Articles