Khuda Ke Liye

Asalam Alaikum Pakistan ! Allama Mohd Iqbal Ne Farmaya,,Fard Qaayem Rabt-E-Millat Se Hai Tanha Kuch Nahi,,Mauj Hai Dariya Main Aur Bairoon Dariya Kuch Nahi. Main Ek Fard Hoon Lekin Mera Khuwab Yeh Hai Ke Hum Millat Ban Kar Maujooda Haalaat Ka Dat Kar Muqabila Karen Ek Khabar Aaj Kal Famous Hai Ke Awam Dacait(Robbers) Ko Pakar Kar Zinda Jala Rahe Hain Aur Yeh Ek Aisa Amal Hai Ke Jab Qanoon Apni Zimaydari Se Ghaflat Baratne Lagey To Aise Muamlat Ka Samne Aana Koi Ajeeb Baat Nahi Hai Balke Isey Aap Ek Latifa Keh Saktey Hain Ke Pehle Police Khud Dacait Pakra Karti Thi Aur Kisi Ko Saza Milti Thi Aur Koi Qanoon Ki Kamzori Ka Faida Uttha Kar Bach Nikalta Tha Lekin Ab Yeh Khabar Milti Hai Ke Police Dacaiton Ko Security Faraham Kar Rahi Hai. Yeh Amal Is Baat Ki Daleel Hai Ke Ab Awam Ne Apne Masayel Ka Hal Talash Kar Lia Hai Aur Yeh Baat Sirf Yahan Tak Mehdood Nahi Rahegi Ahista Ahista Yeh Silsila Mehngayi Aur Electric Ka Bohran(Crisis) Paida Karne Walon Ki Gardan Per Bhi Ek Latakti Talwar Ki Surat Ikhtiar Karega. Lehaza Ab Arbab-E-Iqtedar Ko Hosh Ke Nakhun Lene Chahiyen Ke Yeh Silsila Ek Na Ek Din Aiwano Tak Bhi Ja Sakta Hai Aur Khuda Na Khuwasta Us Din De Darna Hi Acha Hai Warna Jo Hoga Acha Nahi Hoga. Hum ISLAM Ki Asaas Ke Amanatdar Hain Aur Humen ALLAH Ke Ehkaam Aisi Sargarmiyoun Ki Ijzazat Nahi Detay Lekin Tang Aamad Ba Jang Aamad Ke Misdaaq Ghareeb, Majboor, Be Rozgar, Awam Bad Amni Mehngayi Aur Deewar Ke Sath Laga Dene Ka Amal Ko Aakhir Kab Tak Bardasht Karen Gay?