بھارتی وزیراعظم مودی کاپا کستانی وزیراعظم نواز شریف کو قتل کرنے کا منصوبہ بے نقاب
(Mian Muhammad Ashraf Asmi, Lahore)
| بھارتی خفیہ ایجنسی راء کی جانب
سے وزیر اعظم اور پاکستان میں انتشار پھیلانے کی مذموم اور گھناؤنی سازش بے
نقاب ہوگئی۔ وزارت داخلہ پنجاب نے مراسلے میں کہا ہے کہ بھارتی ایجنسی وزیر
اعظم میاں نواز شریف کو قتل کروا کر پاکستان کو تباہ کرنے کا ارادہ رکھتی
ہے۔وزارت داخلہ پنجاب کی جانب سے جاری کردہ مراسلے میں انتباہ کیا گیا ہے
کہ بھارتی خفیہ ایجنسی راء پاکستان میں بڑے پیمانے انتشار پھیلانے کی
منصوبہ بندی کر رہی ہے۔ اس سلسلے میں راء نے منظم طور پر کارروائی کی
گھناؤنی سازش تیار کی ہے۔ صوبائی وزارت داخلہ کے مراسلے میں کہا گیا ہے کہ
راء نے پاکستان میں وزیر اعظم میاں نواز شریف کو قتل کرنے کیلئے اپنے
ایجنٹس کو ٹاسک سونپ دئیے ہیں۔ مراسلے میں مزید کہا گیا ہے کہ آپریشن ضرب
عضب میں مسلسل کامیابی کے باعث بھارتی ایجنسی نے اس قسم کی کارروائیاں کرنے
کا منصوبہ بنایا۔ مراسلے میں سیکیورٹی اداروں نے سیکیورٹی کے غیر ضروری
اقدامات کرنے پر زور دیا ہے۔ پاک فوج اور حکومت کے درمیان ہم آہنگی کی
بدولت جس طرح دہشت گردی پر قابو پانے کے لیے عظیم کامیابیاں پاکستان کو ملی
ہیں اور چین کی جانب سے پاکستان کو معاشی ترقی کے لیے بے مثال تعاون نے
بھارتی سورماؤں کی نیندیں اُڑادی ہیں ۔امریکہ بہادر بھی اس وقت بھارت سے
نالاں نہ سہی مطمئن دیکھائی نہیں دے رہا اور پھر نواز شریف کی جانب سے
حالیہ امریکی دورہ بھی بہت اہم قرار دیا جارہاہے۔بھارتی وزیر اعظم کا جنگی
جنون اور پاکستان سے نفرت عروج پر ہے۔بنگلہ دیشی وزیرِاعظم کے ساتھ بیٹھ کر
پاکستان کو توڑنے کااعتراف، پاکستان کی سرحدوں پر فائرنگ اور اشتعال
انگیزی، افغانستان کی سر زمین کو بھارت کی جانب سے پاکستان کے لیے استعمال
کیا جانا یہ سب کچھ جو بھی ہو رہا ہے۔ سب بھارت کی پاکستان دشمنی کا عروج
ہے۔حالیہ دنوں میں بھارتی عوام کو خوش کرنے کے لیے پاکستان کے سابق وزیر
خارجہ خورشید قصوری نے اپنی کتاب کی رونمائی کے لیے بھارت کو اپنے لیے بہتر
مقام سمجھا اور ساتھ ہی مسٹر قصوری نے اپنے بھارتی آقاؤں کو خوش کرنے کے
لیے ہی بیان بھی داغ دیا ۔کہ قائدِاعظم محمد علی جناح پاکستان نہیں بنانا
چاہتے تھے۔اس طرح بھارت کی جانب سے جس طرح کا ماحول پیدا کیا جارہا ہے۔وہ
بھارتی چالاکی کے ساتھ ساتھ بھارت کے زِچ ہونے کی داستان سنا رہا ہے۔بھارت
سے جب کچھ بن نہیں پڑرہا اور اُسے ہر محاذ پر حفت اُٹھانا پڑ رہی ہے۔تو
پاکستان کو دلدل میں پھنسانے کے لیے خاکم بدہن نوازشریف کے قتل کا منصوبہ
بنا لیا ہے۔اِن حالات میں پاکستانی خفیہ ایجنسیوں کو اپنا بھرپور کردار ادا
کرنے کے لیے چوکنا رہنا ہو گا موجودہ حالات میں وزیرِاعظم نواز شریف کو قتل
کرنے کے بھاری سیکرٹ ایجنسی راہ کے منصوبے کا مقصد پاکستان کو خانہ جنگی کی
طرف د ھکیلنا ہے۔پاکستان کو عدم استحکام سے دو چار کرنے کی بھارتی پالیسی
انتہائی بچگانہ ہے۔پاکستان بھارت کے لیے ایک بفر سٹیٹ ہے۔پاکستان میں ہونے
والی بد امنی سے بھارت میں بھی بد امنی ہو گی پاکستان کی سلامتی کو نقصان
پہنچانے کے لیے بے چین بھارت خود کو دھوکے میں رکھے ہوئے ہے۔بھارت میں
علیحدگی کی تحریکیں اس انداز میں رواں ہیں کہ اگر پاکستان اور چین نے ان
عناصر کے سر پر ہاتھ رکھ دیا تو بھارت کے ٹکڑے ٹکڑے ہوتے ہوئے دیر نہیں لگے
گی۔ |
|