محترم راحیل شریف ایک نظر ادھر بھی

کئی سالوں سے ہمارا پیارا دیس دہشت گرد وں سے نپٹتے ہوئے حالت جنگ میں ہے القاعدہ ،طالبان وغیرہ اب غالباً راء کے ایجنٹ بنے ہوئے ہیں کہ ہندو بنیے مشرقی پاکستان کی طرح یہاں بھی لسانی ،جغرافیائی، علاقائی اور فرقہ وارانہ کشیدگیوں کی تحریکیں چلا رہے ہیں ۔مجیب الرحمٰن مکتی باہنی،راء اور بالآخر ہندوستانی افواج کی مداخلت سے ہی ملک کے ٹکڑے کرسکا ۔ محب وطن افراد نے افواج پاکستان کی پشت پناہی کی اور نوجوانوں نے جام شہادت نوش کیے انہوں نے پاک سرزمین کو توڑ پھوڑ اور ہندو ؤں کی بالادستی سے بچانے کے لیے جانیں قربان کیں۔آج وہ سبھی بنگلہ دیش کے غدا ر قرار دیے گئے ہیں۔اپوزیشن کے راہنما پھانسی کے تختوں پر جھول رہے ہیں ہم ایٹمی ملک ہونے کے باوجودظالم حسینہ کا بازو مروڑنے اور اسے روکنے میں کامیاب نہیں ہو سکے بڑی وجہ تو حکمرانوں کی ناکام خارجہ پالیسی ہی ہے۔جو اندرونی خلفشار اور سیاسی بزدلیوں کا ہی نتیجہ ہے ۔1974میں سہ فریقی معاہدے کی رو سے1971کی جنگ کے تمام محرکات و مضمرات کو بھول کر بھارت ،بنگلہ دیش اور پاکستان کا آگے بڑھنا اور مستقبل میں بھی کسی فریق کو تنگ نہ کرنا طے پایا تھا۔ مگر ظالم حسینہ نے آتے ہی اس معاہدہ کو توڑڈالااور ٹریبونل بنا کر انہی افراد کو ظلم کی چکیوں میں پیسنا شروع کردیا۔ جنہوں نے پاکستان افواج کی امداد کی تھی۔ اور ہندوؤں کو ہمارے مشرقی حصہ پر قابض ہو جانے سے بچانے کے لیے جانی و مالی قربانیاں دی تھیں۔ڈھاکہ کے پلٹن میدان میں مسلم سپاہ کے نوے ہزار سے زائد جنگجوؤں کاہتھیار ڈالنا اور پھر ہندوؤں کا کئی ہفتے لوٹ مار کرکے کئی ہزار ہماری بیٹیوں ،بہنوں کو بھی اغوا کرکے لے جاناتاریخ اسلام کا سیاہ ترین باب ہے جو کہ ہم مسلمانوں کی غلط پلاننگ اس وقت کے حکمرانوں اور متعلقہ افراد کی روایتی بزدلیوں ،اقتداری لالچوں اور ہوس ناکیوں کی وجہ سے ہی ممکن ہواجو ٹریبونل بنایا گیا اس کی رپورٹس کے مطابق جن افراد نے میر جعفر اور میر صادق کے کردار اد اکیے ان کا نام لکھتے ہوئے سر شرم سے جھک جاتا ہے۔بہر حال انہونی ہو کر رہی اور ملک دو لخت ہو گیااب ہمارے ہاں بھی وہی راء سر گرم عمل ہے اور اس نے بد کردار اور لالچی افراد جو صرف نام کے مسلمان ہیں میں سے ہی اپنے ایجنٹ ڈھونڈھ رکھے ہیں جو ملکی سا لمیت کو ہر صورت نقصان پہنچانے پر تلے ہوئے ہیں ہم بطور قوم ا ور ہمارے مقتدر ودیگر بااثر افراد خواب خرگوش میں مدہوش صرف خزانہ لوٹنے ،حرام مال اکٹھا کرنے اور بیرون ممالک آف شور کمپنیوں کے ذریعے انویسٹ کرتے جارہے ہیں۔افواج پاکستان بے جگری سے ہمہ قسم ملک دشمنوں سے لڑ رہی ہیں۔ ان کی قربانیاں بھی عظیم سے عظیم تر ہیں۔مگر یاد رہے کہ جنگ میں جیت ہی نہیں کبھی کبھار شکست بھی ہو جاتی ہے۔یہ دوسرا پہلو بھی ہمارے ملحوظ خاطر رہے اگر خدا نخواستہ خدانخواستہ(میرے منہ میں منوں خاک)ہماری صفوں میں چھپے ہوئے اور خفیہ کمین گاہوں میں مو جود دشمنان دین و وطن راء کی سازشوں اور اس کی مدد سے کامیاب ہو جاتے ہیں اور انہیں مشرقی پاکستان کی طرح یہاں بھی ایجنٹ مل گئے تو پھر وہ ہمیں برداشت تو کیا کریں گے،مکمل طور پر قابض ہو نے کے لیے غداری کے سر ٹیفکیٹ ہمیں دے کر ایسے ہی ٹریبونلوں کے ذریعے تختہ دار پر کھینچ ڈالنے کے لیے کو شاں ہوں گے۔کمانڈو جنرل نے ایک ہی فون کال پر ہمسایہ مسلمان ملک افغانستان پر حملوں کی اپنے اڈوں سے اجازت دینے پر امریکیوں نے ہزاروں حملے کیے ۔القاعدہ بی بی تو انھیں کیا ملنی تھی ملک تہس نہس کرڈالا۔گناہ گار کم اور بے گناہ معصوم مسلمان زیادہ شہید ہوئے مگر "افغان باقی کہسار باقی"کی طرح وہ سخت جان نکلے۔بالآخر امریکہ اپنی اتحادی افواج سمیت شکست خوردہ ہو کر نکل جانے کے لیے کوشاں ہے التجائیں یہ ہیں کہ ہمیں باحفاظت نکل جانے دوہم نے تو اس نام نہاد دہشت گردی سے نپٹنے کے لیے کروڑوں ڈالروں کا نقصان کیا۔ہندو بنیا تو ہمیشہ سے مکار ہے ایک ہزارسال تک پورے ہندوستان پر مسلمانوں کی حکومت اس کی رات کی نیندیں حرام کیے ہوئے ہے۔حالانکہ مسلمانوں کی حکمرانی کے ادوار میں تمام مذاہب کے پیرو کاروں کو اپنی عبادات کرنے اور تقریبات کے انعقاد میں مکمل آزادی تھی۔جان و مال مکمل محفوظ تھے انگریز مسلم دشمنی کی وجہ سے ملک چھوڑتے وقت پانچواں حصہ ہمیں دے گئے۔حالانکہ ان کے اقتدار سے قبل پورے ہندوستان کے ہم قطعی حکمران تھے۔راء کی سازشوں اوربدمعاشیوں کو ہماری افواج اور سکیورٹی ایجنسیاں خوب جانتی ہیں اس کے باوجود ہمارے حکمران یا تو انجان اور بھولے ہیں یا پھر طاقت والوں سے سلام دعا اور ذاتی تعلقات رکھنے کے ماہرکہ مودی کی دوستی پر فخر کرتے نہیں تھکتے جو بنگلہ دیش میں جاکر تقریریں کرتا ہے کہ دیکھا یہ ہم ہی تھے جنہوں نے مغربی پاکستان کی فوجوں کو گرفتا ر کیا اور آپ کے لیے بنگلہ دیش بنایا ان حالات میں ہماری افواج کو چو مکھی لڑائی لڑنی پڑ رہی ہے۔اندرونی ، بیرونی محازوں اور سازشوں کے علاوہ مغربی اور مشرقی بارڈروں پر بھی مصروفیتیں بڑھ چکی ہیں۔پانامہ لیکس،بنکوں سے ادھار لی گئی رقوم کی معافی اور دیگر معاشی دہشت گردوں کی سرکوبی کرنے جیسے معرکوں کو سر کرنے کے لیے بھی قوم نے قرعہ فعال افواج ہی کے نام نکالا ہے کہ وہی ان معاشی دہشت گرد اقتدار پرستوں کو خوب ٹھکانے لگاسکتے ہیں جو کہ اب اولین ترجیح بن چکی ہے۔راحیل شریف صاحب کو ان محب وطن لو گوں کی بھی پشت پناہی کرنا ہے جن کا مشرقی پاکستان میں قتل عام جاری ہے حکمرانوں کو بھی اس سلسلہ میں مکمل سٹینڈ لینا چاہیے و گرنہ کل کو ہمارے ساتھ بھی ایسا معاملہ (خدا وہ وقت نہ لائے) خدانخواستہ پیش آیا تو دنیا ہمارا بھی تماشہ دیکھے گی اور ہم بھی بے یار و مدد گار ہوں گے۔بنگلہ دیش سے اپنا سفیر واپس بلا لینااولین ترجیح ہونی چاہیے ہمیں او آئی سی کی میٹنگ بلوا کر تمام عالم اسلام کے سامنے یہ بات رکھنا ہوگی کہ وہ ظالم حسینہ کوروکیں اسے نتھ نہ ڈالی گئی تو وہ بھارتی شہہ پر اور ہندوؤں کی اشیر باد سے قتل و غارت گری جاری رکھے گی اور پھر اس کے خونی پنجے ہماری طرف بھی رخ کرسکتے ہیں۔ہماری افواج کے کمانڈر جو شہیدوں کے خاندان کے عظیم سپوت ہیں وہ خصوصی طور پر بنگلہ دیش کے فوجی سربراہ سے رابطہ کریں تاکہ وہ حسینہ واجد کو اوچھے ہتھکنڈوں سے باز رہنے کے لیے دباؤ ڈالیں پورا عالم اسلام مذمتی قرار دادیں پاس کر رہا ہے مگر ڈنڈا پیرا اے وگڑیاں تگڑیاں دا اس لیے بنگلہ دیش کی سربراہ کو جب تک مسلمان سربراہوں نے ملکر آنکھیں نہ دکھائیں تو وہ بپھری ہوئی سپنی بنی اپوزیشن راہنماؤں کو مارنے سے باز نہیں رہے گی۔حب الوطنی سے سرشار افراد کی ہم نے بروقت امدادنہ کی تو ہم پر بے وفائی کا جو الزام لگے گا وہ صدیوں بھلایا نہ جاسکے گا۔