Siyaah Kartoot

Mulky Pakistan Mojoda Dor Main Jin Muskilat Ka Shikar Hai Hum Sab Is Sy Ba Khobi Waqif Hain. Laikin Hamry Mulk K Wo Azeem Sapoot Jin Ko Hum Ny Numainda Bana Ker Mulky Pakistan Ki Rakhwali K Liye Bheja Woo Kiya Karty Hain Aur Kiya Gul Khilaty Hain Is Sy Bhi Waqif Rahna Humara Zarori Hai. Main Tafseel Main Nahi Jaon Ga Mager Aaj Kisi Aik Shakhs Ko Ap K Samny Awami Katheary Main Zaror Laon Ga Jis Per Meary Coloum Ki Surkhi Jo Tamancha Marti Hoi Nazer Aati Hai Zaror Fit Aati Hai. Yaqeenan Meara Kalam Talwar Say Kam Teekha Nahi Hoga.Aaj Ap K Samny Main Muslim Leag (N) K Seanator Aur Sabiq Wazeer Janab Ishaq Daar Sahib Ko Laon Ga Jo Mojoda Bohraano Main Bhi "Jashny Noroz" Ki Tayari Ker Rahy Hain. Hadeesy Nabvi(S.A.W) Ka Mafhoom To Ye Hai K Ager Koi Phal Khao To Chilky Bahir Na Dalo Ta K Jo Tumhara Hamsaya Phal Khany Say Mahrrom Hai Us Ki Dill Aazari Na Ho Mager Ishaaq Dar Sahib Ye Janty Hoey Bhi K Loog Muflisi Ghrebi Ki Waja Apny Lakhty Jiger Bazar Main Beach Rahy Hain,Khandan Ijtmaai Khudkashi Ker Rahy Hain, Maa Bap K Akealy Beaty Pankhon Say Jhool Rahy Hain, Ahtjaaj Ho Rahy Hain, Keemtien Berh Rahi Hain,Ghreeb K Cholhy Bujh Rahy Hain, Is Nazuk Haalaat Main Bhi Apni Hatdharmi Aur Apny Haqeeqi Chehry Ko Samny Laty Hoey Islami Taqdus Ko Pamaal Krty Hoey Ye Kahty Hoey K "Dukh To Awam Ka Hai Meara Nahi" Apny Beaty Ki Shadi Mulky Koeat K Us Hotel Main Ker Rahy Hain Jis Main Aik Ghanty K Liye Lakho Dolor Dyny Party Hain, Jis Main Nachny Gany Waly Karoro Say Kam Nahi Layty Us Main Janaab Ishaq Sahib Apny Beaty Ki Shadi Kerien Gy Hum Ye Nahi Kehty K Khushi Na Karo Mager Wo Khushi To Na Karo Jo 16 Karor Awam K Zakhmo Per Namak Pashi Karay Kiya Shadi Aisy Ki Jati Hai Kiya Mulki Dolat Ko Badshah Akber Ki Tarh Lotaaya Jata Hai? Kiya Shadi Sunaty Nabvi Per Amal Karty Hoey Khajooro Aur Aaby Zam Zam K Pani Ko Peash Ker K Nahi Ki Ja Sakti? Kiya Is Dolot Ko Mulky Pakistan Ki Ghreeb Awam Per Kharch Nhi Kiya Jaskta? Kiya Is Ko Hospital Main Pery Hoey Mareez K Liye Kharch Nahi Kiya Ja Sakta Jis Mareez Ka Beata Agly Time K Khany K Liye Mazdoori K Liye Gaya Hoa Hai..? Jawab Do Kiya Tum In Baato Sy Bekhabar Ho? Ager Bekhabr Ho To Jo Bekhaber Ho Wo Numaidgi Ka Huq Nahi Rakhta. Aur Ager Ba Khabar Thay To Aisa Kiun Kiya Ker Rahy Ho..? Jawab Do Mujhy Nahi Pakistan Ko Us Ki Awam Ko Ager Nahi Do Gy To Hum Jawab Talab Kerien Gay Idher Nhi To Us Adalat Main Jis Sy Koi Chup Nahi Sakta........!!