Kya Pakistan Agley 10 Saal Tak Reh Paye Ga?

Assalamoalaikum,

"Inshah'ALLAH"
"Pakistan Hmesha Rehney Ke Liye Bana He"
Insaan Ko Hamesha Achhi Umeed Rakhni Chahye"
"Dushmanoo'n Ki Sazishein Kabhi Kaamyaab Nahi Ho'n Gi"
"Pakistani Ki Nayi Nasal, Bashaoor Hai, Wo Paksitan Ka Khayal Rakhey Gi"
"Kon Hai Jo Hamein Cher Sakey"
"Ham Atomic Taqat Hai, Hamara Koi Kuch Nahi Bigaar Sakta"

Ye Wo Typical Jawabaat Hain Jo K Is Thread K Title Sawal Ya Aise Kisi Sawal K Jawab Mein Milte Hain. Aur Bohat Se Mazeed Bhi Milte Hain.

Aaj K Doar Mein Kisi Mulk Ko Tabaah Karna Ho To Us Pe Atom Bomb Nahi Giraya Jata. Uss Pe Hamla Nahi Kiya Jata.
Pichley 20-25 Saaloo'n Mein Dekhein To Sawaye Iraq Aur Afghanistan Pe Hamloo'n Ke Ilawa, Kisi Bhi Mulk Ne Kisi Bhi Doosrey Mulk Pe Major Hamla Nahi Kiya, Ikka Dukka Jharpein, Idher Udher Hoti Rehti Hain.

Iss So Called "Civilised" Doar Mein Koi Bhi Mulk Pe Khud Pe Wehshi, Darinda Ya Barbarian Ka Khitaab Nahi Dekhna Chahta. Jangoo'n Ka Tareeqa Kaar Kab Badla, Aur Kyon Badla. Doo Badoo Laraiyaa'n Jo Hoti Thien, Aik Mulk Ya Qoam Haar K Aik Taraf Baith Jati Thi, Jeetney Wala Zulm-O-Sitam Kar K Chala Jata, Shikast Khoorda Apney Zakhm Bharne Mein Lag Jate. Taareekh Gawah Hai K Muslaman Wo Wahid Qoam Hain, Jo Kisi Bhi Doo Badoo , Ailaaniya Jang Mein , Kisi Dushman Se Nahi Haarey. Koi Muslim Mulk Kabhi Khatam Nahi Hua Iss Waja Se K Uss Pe Ghair Muslimoo'n Ne Qabza Kar Liy Bazor-E-Taaqat !

Musalman Ko Jab Jab Shikast Hui, Apney Hi Bhaayioo'n Se Hui. Kabhi Meer Jafar Aur Meer Sadaq Samney Aate Gey, Kabhi Nawab Ibn-E-Nawab Ibn-E-Nawab, Yeh Log Har Doar Mein Mojood Rahey, Jo Bhai Ban Ke Bhai Ki Peeth Mein Chura Ghonpte Rahey.

Ab To Larayi Bhi Zada Jadeed Ho Gayi Hai. Ab Bomb Aur Bandooqoo'n Ka Istemaal Sirf Daraney K Liye Hota Hai. Ab To Economy Tabah Ki Jati Hai, Awam Mein "KAL" Ka Khoaf Paida Kiya Jata Hai, Mustaqbil Mein Kya Ho Ga, Hamara Kya Baney Ga, Aise Sawalaat Awaam Mein Paida Kiye Jatey Hain, Kahee'n Bomb Blast Karwa Do, Ziada Nahi, 13-14 Bande Halaak Ho'n, Kahee'n Firing Karwa Do, 2-3 Bande Marein Sirf ............... Itni Kam Tadaad Mein Halaak Shudgaan Ki Tadaad Bhi In K Fayede K Liye Hain?

Gar 150-200 Bande Aik Saath Mar Jayein To Shayed In Ke "Ghaddaar" Jo Hamarey "Hukamraan" Hain, Wo Awaam Ke Dabao Mein A K Kuch"Sahi" Karney Ki "Koshish" Na Kar Dein, Kya Pata , Awaam Khudi Apni Taqdeer Apney Hathoo'n Mein Le Le Aur Aar Ya Par Ka Nara Laga K Khoon Ka Fidya Dene Ko Na Tayyar Ho Jaye.

Hath Halka Rakh K Sab Kuch Kiye Jao, Ooper Ooper Se Dilasa Dete Jao, Inhein Batao Ham Tumharey Dost Hain, In Ki Hi Safoo'n Mein Se Logoo'n Ko Aagey Lao, Inhi Ke Haathoo'n Inhein Marwao, Ziada Nahi Thora Thora Kar Ke, Shuroo Karo ............. Khatam Wo Khudi Aik Doosrey Ko Kar Lein Gey.

Shuroo Mein Jab Taaliban Aaye To Meri Hamdardiyaa'n Un K Saath Thien, Neglected Log , Sahooliyaat-E-Zindegi Se Door, Pajaroo'n Aur Ghaaroo'n Mein Rehne Waley, Haalaat K Sathe Huye, Aik Achha Nara Le K Saamney Aaye, "Mulk Islami Hai To Shariyyat Bhi Lao", ALLAH K Mulk Mein ALLAH Ka Qanoon Chaley Ga, Zor Zabardasti K Sath Hi Sahi, Magar Aik Achha Kam Shuroo Karney Ka Kaha, So Tareeqa-E-Kaar Se Ikhtliaaf Rakhney K Baawajood, Main Kehta Tha K Sahi Hai, Wo Sahi Keh Rahey Hain,Kal Ultey Tareeqe Se Pakar Rahey Hain, Magar Basically Wo Sahi Keh Rahe Hain.

Magar Aahista Aahista In K Khayaal Badaltey Gey, Nazriyaat Badaley Gey, Agenda Badal Gaya. Konsi Shariyyat, Kaahey Ki Shariyyat ? Bus Maarte Jao , Jo Saamney Aye Maarte Jao, Ye Na Dekho, Wo Boorha Hai, Mard Hai, Aorat Hai, Bacha Hai, Jawan Hai, Begunaah Hai Nehatta Hai, Bus Ura Do, Gira Do, Tukre Kar Do, Koi Agenda Nahi, Koi Mutaalibaat Nahi, Bus Marte Jao, Dehshat Bithaate Jao, Awaam Ko Mustaqbil Se Maayoos Karte Jao, Kisi Ke Paas Kuch Na Choro, Mulk Tabaah Kar Do, Hamarey Paas Kuch Nahi To Kisi Ur Ke Paas Kyon Kuch Rahey.

Derh Do Saal Pehley Main Aik Kitaab Parh Raha Tha Jis Mein Kafi Muhaqqaqqeen Ne YAJOOJ Aur MAJOOJ Pe Tehqeeq Bayaan Ki. In Taareekh Daan Logoo'n K Mutaliq Jaise K Hamein Bataya Jata Hai K Aik Deewar Khari Ki Thi Ik Bare Baadshah Ne, Jise Zulqarnain Bhi Kaha Jata Hai, Aur Yaajooj Maajooj Sari Raat Deewar Chaat'te Rehte Hain Subah Ko Thori Si Reh Jati Hai To Kehtey Hain K Kal Karein Gey Aur O Jate Hain Ur Deewar Phir Mukammal Ho Jati Hai Waghaira Waghaira, In K Mutabiq Aisa Kuch Nahi, Yaajooj Majooj, Asal Mein MAGOG Nami Qabeela Tha Jo K Wasti Asia Mein Rehta Tha, Zamane K Saath Saath Naam Badalte Gey Aur Yeh Qabeela MAGOG E MONGOL Ho Gaya, China K Baadshahoo'n Ne In Logoo'n Se Bachney K Liye Deewar-E-Cheen Tameer Ki, Auer Yeh Wuhi Deewar Hai Jis Ka Yajooj Majooj Se Rishta Bataya Jata Hai, Aur Is Ilaaqey Ki Qoam Ne Tareekh K Har Doar Mein Zameen Ko Khoon Se Nehlaaya, Most Recent Episode Jo Tha Alam-E-Islam Ki Tabahi Thi 12we'n Sadi Mein, Jab Changaiz Khan Ne Muslim Dinuya Mein Hamla Kiya, Aaj Phir 8-9 So Saal Baad Yeh Qoam Zameen Ki Pyaas Bujha Rahi Hai, Magar Iss Dafa Yeh Apney Hain, Ghairoo'n Se Maar Khaney Ka Itna Afsos Nahi Hota, Jitna Apnoo'n K Lagaye Huye Zakhmoo'n Ka Hota Hai.

Kya Pakistan Jaisa Mulk ............. Jis Ki Na Economy Hai, Na Koi Policy Hai , Na Koi Leader Hai , Door Door Tak Kisi Rehnuma Ke Aasaar Nahi Hain , Qoam Ki Raah Nahi Hai , Be Hissi Apni Inteha Pe Pohanch Rahi Hai, Ghair Churiyaa'n Kaante Nikal Ke Khare Hain, Apney Bhi Apne Nahi Hain ....... Kya Yeh Mulk Aisi Halat Mein Agley 10 Saal Tak Aik Mulk Ki Soorat Mein Reh Paye Ga ?

Balochistan Ka Masla Alag , Yahan Naya Mulk Bananey K Shor Sharaba
Sarhad Aur Baqi Ke Humali Ilaqa Jaat Mein Hakoomat Ki Ijara Dari Nahi
Sindh Mein Syaasatdaanoo'n Ki Larayiyaa'n, MQM, PPP Ka Gath Jor, To Kabhi Dushmani, Qoam Parast Indhi Alaq.
Punjab Ke Jaageerdar Har Chee Pe Qabaz
Talibaan Ka Jhagra
Bumb Dhamkey
Qatal-O-Gharat
Hakoomat Har Cheez Baich Rahi Hai
Peeney Ko Pani Nahi
Khaney Ko Roti Nahi
Jo Aata, Daalein, Cheeni Bechta Tha, Wo Doosroo'n Se Maangta Phir Raha Hai
American Security Agencies Ka Mulk Mein Qabza

Kya Aasaar Achey Hain ?
Kya Pakistan Zinda Reh Paye Ga ?

Aakhir Mein Aik Achhi Baat Bhi Kehta Chaloo'n

Assi Ki Dahaayi Mein Jab Paksitan India K Haalaat Bohut Sakht Kharaab They, Indra ****Hi Apni Fojoo'n Ko Border Pe La Aayien Thien, Uss Waqt Pakistan Ki Cricket Team India K Dore Pe Thi, Aur Zia-Ul-Haq Achanak Match Dekhney India Chala Gaya, Jo Log Dorey Mein Sath They, Wo Batate Hain K, Poore Dore Mein Indra ****Hi Ka Sar Akra Raha, Jaga Jaga Pe India Ne Apni Taqat Ka Muzhira Kiya, Jab Ia-Ul-Haq Ko C Off Karney Air Port Pe Aayein To Indra ****Hi Muskura Rahi Thien, Sar Buland Tha, Aakhri Jumley Kahe Ja Rahey They To Kehtey Hain Ke Zia-Ulhaq Ne Zara Sa Jhuk Ke Indra ****Hi Ke Kan Mein Kuch Kaha To Un Ke Kandhey Jhuk Gey, Aur Muskurahat Ghayeb Ho Gayi.

Zia-Ulhaq Ne Kya Kaha Tha ........ Kehtey Hain K Zia Ne Indra ****Hi K Kaan Mein Kaha, Aap Taqatwar Mulk Ho, Bari Foaj Hai, Har Lehaaz Se Aagey Ho, Magar Yeh Baat Yaad Rakhiye Ga K Pakistan K Khatam Honey Se Duniya Mein Se Musalaman Khatam Nahi Ho'n Gey, Magar India K Khatam Honey Se, Hindu Zaroor Khatam Ho Jayein Gey.

ALLAH Hafiz.