بجلی کا بحران اور گھڑی کی سوئیاں ایک گھنٹہ آگے!

ملک میں بجلی کا بحران شدت اختیار کرتا جا رہا ہے اور پورے ملک میں بجلی کی لوڈ شیڈنگ کا سلسلہ بڑھتا جارہا ہے۔ حالانکہ کہ ابھی گرمیوں کا آغاز ہی ہے لیکن ابھی سے بارہ بارہ گھنٹے کی لوڈ شیڈنگ ہورہی ہے اس سے اندازہ لگایا جاسکتا ہے کہ جب موسم گرما کی شدت ہوگی اور بجلی کا استعمال زیادہ ہوگا تو اس وقت کیا حال ہوگا۔ لوڈشیڈنگ کے باعث کاروباری سرگرمیاں متاثرہو رہی ہیں۔

ارباب اختیار اس بحران کو حل کرنے کے لیے مختلف اقدامات کرتے رہتے ہیں اور جب ان سے کچھ نہیں ہوا تو انہوں نے پندرہ اپریل کو پاکستان کے معیاری وقت کو ایک گھنٹہ آگے بڑھا دیا۔ یہ فیصلہ گزشتہ سال بھی کیا گیا تھا۔ اگرچہ ہم اس سے خاطر خواہ فائدہ نہیں اٹھاسکے تھے۔ بارہ بارہ گھنٹے کی لوڈ شیڈنگ کے باوجود بجلی کے بل معمول کے مطابق ہی آرہے ہیں۔

کیا آپ کے خیال میں لوڈشیڈنگ کے عذاب سے ہمیں نجات مل سکتی ہے؟ کیا راجہ پرویز اشرف دسمبر 2009 تک لوڈ شیڈنگ ختم کرنے کا وعدہ پورا کر سکیں گے؟